نۇر-سۇلتان قالاسىندا 1-جەلتوقساندا وتشاشۋ بولا ما
بۇل تۋرالى نۇر-سۇلتان قالاسى اكىمىنىڭ باسپا ءسوز حاتشىسى اقمارال ولجابايەۆا ايتتى، دەپ حابارلايدى قازاقپارات ءتىلشىسى.
«1-جەلتوقسان – ق ر تۇڭعىش پرەزيدەنتى كۇنىنە وراي ەلوردا اۋماعىندا وتشاشۋ جوسپارلانىپ وتىرعان جوق»، - دەدى اقمارال ولجابايەۆا.
ايتا كەتەيىك، City Transportation Systems (CTS) كومپانياسىنىڭ رەسمي مالىمەتىنشە، 1-جەلتوقسان كۇنى ەلوردانىڭ قوعامدىق كولىكتەرى قالىپتى رەجيمدە جۇمىس ىستەيدى. سونداي-اق مەيرام كۇنىندە ەلوردانىڭ ساۋدا، ويىن-ساۋىق ورتالىقتارى مەن ساۋدا ۇيلەرى جۇمىسىن جالعاستىرادى. بۇل نىساندارعا سەنبى كۇنى دە جۇمىس ىستەۋگە رۇقسات بار. ەلوردانىڭ باس سانيتار دارىگەرىنىڭ جاڭا قاۋلىسىنا سايكەس، ساۋدا ۇيلەرى، ساۋدا، ويىن-ساۋىق ورتالىقتارى سەنبىدە ساعات 09:00-دەن 20:00-گە دەيىن اشىق بولادى.
جەكسەنبى كۇنى ولاردىڭ جۇمىس ىستەۋىنە تىيىم ساقتالادى. كەلۋشىلەر ماسكا تاعۋى، الەۋمەتتىك قاشىقتىقتى ساقتاۋى، تەرمومەتريادان ءوتىپ، انتيسەپتيكتەر مەن سانيتايزەر قولدانۋعا مىندەتتى.
اۆتور: مارلان جيەمباي