+7 (701) 759 90 19
-16 °С : نۇر-سۇلتان
-8 °С : الماتى
USD 418.41 EUR 507.95
RUB 5.69 CNY 64.76
جاڭالىقتار

التىن ساقا: ەلوردادا جۇلدە قورى 1 ميلليون تەڭگەنى قۇرايتىن ونلاين وليمپيادا ءوتتى

28 قاراشا 17:50
:ءبولىسۋ
التىن ساقا: ەلوردادا جۇلدە قورى 1 ميلليون تەڭگەنى قۇرايتىن ونلاين وليمپيادا ءوتتى

نۇر- سۇلتان. قازاقپارات - ەلوردا ءبىلىم مەكەمەلەرىنىڭ 5-6 - سىنىپ وقۋشىلارى قاتىسقان ءداستۇرلى «التىن ساقا» وليمپياداسى 27-28 - قاراشا كۇندەرى ونلاين فورماتتا ءوتتى، دەپ حابارلايدى قازاقپارات.

«زەردەلى» اقىل- ويدى دامىتۋ ورتالىعى جانە «استانا دارىنى» وڭىرلىك عىلىمي- پراكتيكالىق ورتالىعى ماتەماتيكا پانىنەن بولاتىن قالالىق وليمپيادانى بيىل VI مارتە ۇيىمداستىرىپ وتىر. Astana Hub كەشەنىندە زاماناۋي جابدىقتالعان ستۋديادا ونلاين وتكەن وليمپياداعا استانا مەكتەپتەرىنەن ىرىكتەلگەن 448 وقۋشى قاتىستى.


«بۇل وليمپيادانىڭ ماقساتى - نۇر- سۇلتان قالاسىنداعى بارلىق مەكتەپ وقۋشىلارى ىشىنەن ماتەماتيكا پانىنە بەيىمى بار بالالاردى انىقتاپ، ول بالالارمەن ارى قاراي كەشەندى جۇمىس جاساۋ، جەڭىمپازداردى جىل بويى وقۋ جاتتىقتىرۋ جيىندارىنا شاقىرىپ وتىرۋ. بالالاردى قالاداعى ەڭ ۇزدىك ماتەماتيك مۇعالىمدەردىڭ ماستەر كلاسىنا قاتىستىرىپ، ساباق الۋىن ۇيىمداستىرۋ ارقىلى ولاردىڭ دەڭگەيىن جەتىلدىرەمىز»، - دەيدى «استانا دارىنى» د د ج پ س ورتالىعىنىڭ ديرەكتورى عاجدەمبەك تۇرسىنوۆ.

«زەردەلى» اقىل- ويدى دامىتۋ ورتالىعىنىڭ ديرەكتورى ىرىسبەك ءماۋىتتىڭ ايتۋىنشا، بيىلعى وليمپيادا پاندەمياعا بايلانىستى العاش رەت ونلاين فورماتتا ءوتىپ وتىر.

«بۇل وليمپيادانىڭ تەحنيكالىق مۇمكىندىگى وزگەشە دەۋگە بولادى. شەتەلدىك ەڭ وزىق يننوۆاتسيالىق تەحنولوگيامەن جابدىقتالعان ستۋديادادا ءوتتى. تىكەلەي ترانسلياتسيانىڭ ساپاسى، بايلانىس مۇمكىندىگى، عالامتور جىلدامدىعى دا جوعارى دەڭگەيدە. وليمپيادانىڭ اكادەميالىق تازالىعىنا باسا ءمان بەرىلىپ وتىر. ءار سۇراققا بەرىلگەن ۋاقىت - 3 مينۋت. سۇراقتارداعى 6 جاۋاپتىڭ 1، 2، 3 جاۋابى دۇرىس بولۋى مۇمكىن. ۋاقىتىنان كەشىككەن جاۋاپتار قابىلدانبايدى. ال، ىرىكتەپ الىنعان ۇزدىكتەردىڭ ءوزى ارنايى كوميسسيا الدىندا ءوز جاۋابىن دالەلدەپ، سىننان وتەدى. بۇل كريتەرييلەر قاتىسۋشىلاردىڭ كوشىرۋ، باسقالاردىڭ كومەگىنە جۇگىنۋ ىقتيمالدىعىن بارىنشا تومەندەتەدى. تەحينكالىق پروتسەس پەن جاۋاپتاردى قاداعالاۋ ءۇشىن ورتالىعىمىزدا 30 دان استام بىلىكتى مەنەدجەر ماماندار جۇمىلدىرىلدى»، - دەيدى ىرىسبەك ءماۋىت.

ايتا كەتەيىك، جۇزدەن جۇيرىك شىققان جۇلدەگەرلەرگە دەمەۋشىلەر كومەگىمەن جالپى قورى 1 ميلليون تەڭگەنى قۇرايتىن قارجىلاي سىيلىق بەرىلدى.

اۆتور: مۇحتار قاليموللا ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات