تۇركيا مەن قازاقستان 1- قىركۇيەكتەن باستاپ اۋە قاتىناسىن قالپىنا كەلتىرەدى

انكارا. انادولى - قازاقپارات - 1- قىركۇيەكتەن باستاپ تۇركيا مەن قازاقستان اراسىنداعى اۋە قاتىناسى جاڭارتىلادى، دەپ حابارلايدى قازاقپارات انادولى اگەنتتىگىنە سىلتەمە جاساپ.

تۇركيا ەلىنىڭ كولىك جانە ينفراقۇرىلىم ءمينيسترى ءادىل قارايسمايلوعلىنىڭ ءجۇما كۇنى حابارلاۋىنشا، تۇركيا مەن قازاقستان اراسىنداعى اۋە قاتىناسى 1- قىركۇيەكتەن باستاپ جاڭارتىلادى.

ەسكە سالا كەتسەك، 7- تامىز كۇنى انكارادا قازاقستان رەسپۋبليكاسىنىڭ پرەمەر-ءمينيسترى ەرالى توعجانوۆ باستاعان قازاقستاندىق دەلەگاتسيا تۇركيا دەنساۋلىق ساقتاۋ ءمينيسترى فاحرەتتين قوجامەن كەزدەسۋ وتكىزىپ، وندا اۋە قاتىناسىن قالپىنا كەلتىرۋ ماسەلەلەرىن تالقىلادى.

بۇعان دەيىن، 6- تامىزدا تۇرىك بيلىگىنىڭ Air Astana كومپانياسىنا تۇركياعا ەكى اپتا ۇشۋعا تىيىم سالعانى تۋرالى حابارلانعان. ودان كەيىن تۇركيا ەلشىلىگى قازاقستاننان اۋە رەيستەرىنىڭ توقتاتىلۋ سەبەبىن ءتۇسىندىردى.