+7 (701) 759 90 19
14 °С : نۇر-سۇلتان
12 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

الەم بويىنشا سوڭعى بەس كۇندە 1 ميلليون ادام كوروناۆيرۋس جۇقتىرعان

14 شىلدە 14:34
:ءبولىسۋ
الەم بويىنشا سوڭعى بەس كۇندە 1 ميلليون ادام كوروناۆيرۋس جۇقتىرعان

لوندون. قازاقپارات - Reuters اگەنتتىگىنىڭ حابارلاۋىنشا، الەم بويىنشا كوروناۆيرۋس جۇقتىرۋ جاعدايلارىنىڭ جالپى سانى دۇيسەنبى كۇنى 13 ميلليونعا جەتتى.

بەس كۇن ىشىندە بۇل كورسەتكىش ءبىر ميلليونعا ارتقان، دەپ حابارلايدى قازاقپارات Reuters-كە سىلتەمە جاساپ.

كوروناۆيرۋس پاندەمياسى سالدارىنان التى جارىم اي ىشىندە جارتى ميلليوننان استام ادام قايتىس بولعان. دۇنيەجۇزىلىك دەنساۋلىق ساقتاۋ ۇيىمىنىڭ (د س ۇ) باسشىسى تەدروس ادحانوم گەبرەيەسۋس ەگەر الدىن الۋ شارالارى ەلەنبەسە، جاقىن ارادا قالىپتى جاعدايعا ورالمايمىز دەپ مالىمدەدى. Reuters ەسەپتەۋىنە سايكەس، ىندەت لاتىن امەريكاسىندا تەز تارالۋدا. الەمدە انىقتالعان اۋرۋ جۇقتىرۋ جانە ءولىم جاعدايلارىنىڭ جارتىسىنان استامى ا ق ش- تىڭ ۇلەسىنە تيەسىلى. قۇراما شتاتتارىندا كوروناۆيرۋستى جۇقتىرۋدىڭ 3,3 ميلليوننان استام راستالعان جاعدايى تىركەلگەن. اۋسترالياداعى مەلبۋرن مەن انگلياداعى لەستەر ەكىنشى رەت قاتاڭ وقشاۋلاۋ رەجيمىن ەنگىزدى. گونكونگ اۋرۋدىڭ تومەن كورسەتكىشىنە (1522 جاعداي) قاراماستان، ءۇشىنشى تولقىنعا قاتىستى ارتىپ كەلە جاتقان قاۋىپ اياسىندا الەۋمەتتىك قاشىقتىق شارالارىن كۇشەيتۋدى كوزدەپ وتىر.

10 - شىلدە كۇنى قۇراما شتاتتار الەمدە كۇن سايىن اۋرۋ جۇقتىرۋدىڭ 69070 جاڭا جاعدايى تىركەلىپ جاتقانىن حابارلادى. جەكسەنبى كۇنى امەريكالىق فلوريدا شتاتى ىندەت جۇقتىرۋدىڭ رەكوردتىق ءوسىمى تۋرالى حابارلادى. مۇندا ءبىر تاۋلىكتە 15000 جاڭا جاعداي تىركەلگەن. دۇيسەنبى كۇنى بيلىك اۋرۋ جۇقتىرۋدىڭ 12624 جاڭا جاعدايى تۋرالى ءمالىم ەتتى. ا ق ش- تىڭ شامامەن 40 شتاتىندا ىندەت جۇقتىرۋ ءوسىمى راستالدى. ەۋروپادا كوروناۆيرۋستان كوپ زارداپ شەككەن مەملەكەتتەردىڭ ءبىرى يسپانيا وتكەن ايدا ەل بويىنشا كارانتين رەجيمىن توقتاتقان بولاتىن. ءۇندىستان ينفەكتسيا جۇقتىرۋ سانى جونىنەن الەمدە ءۇشىنشى ورىندا. ەلدە شىلدە ايى باستالعالى ورتاشا ەسەپپەن كۇنىنە 23000 جاڭا جاعداي تىركەلۋدە.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات