+7 (701) 759 90 19
20 °С : نۇر-سۇلتان
27 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

كوروناۆيرۋس: پرەزيدەنت مينيسترلىكتەن بالالار 1-قىركۇيەكتەن قالاي وقيتىنىن سۇرادى

10 شىلدە 15:12
:ءبولىسۋ
كوروناۆيرۋس: پرەزيدەنت مينيسترلىكتەن بالالار 1-قىركۇيەكتەن قالاي وقيتىنىن سۇرادى

نۇر-سۇلتان. قازاقپارات – ق ر پرەزيدەنتى قاسىم-جومارت توقايەۆ مەكتەپتەردىڭ الداعى جاڭا وقۋ جىلىنا دايىندىعىن پىسىقتادى، دەپ حابارلايدى قازاقپارات.

«ۇكىمەتكە جىل سوڭىنا دەيىن 250 دەن استام تۇرعىنى بار ەلدى مەكەندەردى ساپالى ينتەرنەتپەن قامتاماسىز ەتۋدى تاپسىرامىن. بۇل، حالقىمىزدىڭ 99,3 پايىزىن قامتيدى. قاشىقتان وقىتۋ ادىسىنە كوشۋ ءىسى ينفراقۇرىلىم مەن ينتەرنەت ساپاسىنا قاتىستى ەلەۋلى ماسەلەلەردىڭ بار ەكەنىن كورسەتتى. مۇعالىمدەردىڭ 20 پايىزدان استامى ۇيلەرىندە تولىققاندى ينتەرنەت پەن كومپيۋتەر جوق بولعاندىقتان، قاشىقتان ءتيىمدى وقىتا المادى»، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.

سونىمەن بىرگە، ق. توقايەۆ مەكتەپتەر بالانسىنداعى 400 مىڭنان استام كومپيۋتەردىڭ تەك 40 پايىزى ىسكە جاراعانىن ايتتى.

«بۇل - اكىمدىكتەر مەن مينيسترلىكتىڭ جۇمىسىنىڭ ناتيجەسى. اكىمدىكتەر جاڭا وقۋ جىلىنا دەرەۋ دايىندالىپ، مەكتەپتەر مەن جەكەلەگەن مۇقتاج وتباسىلاردى قاجەتتى تەحنيكامەن جابدىقتاۋعا ءتيىس. 1-قىركۇيەكتە جاڭا وقۋ جىلى باستالادى. مينيسترلىكتىڭ بۇل وقيعاعا دايىندىعىنا كۇمانىم بار. بالالار قالاي وقيدى - مەكتەپتە نەمەسە قاشىقتا؟ مۇعالىمدەردىڭ جاڭا وقۋ جىلىنا دايىندىعى قانداي؟»، - دەپ سۇراق قويدى مەملەكەت باسشىسى.

ەسكە سالا كەتسەك، قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى بەينەبايلانىس جۇيەسى ارقىلى ءوتتى. جيىندا ۇكىمەت 2020 -جىلدىڭ العاشقى جارتى جىلدىعىنداعى ەلىمىزدىڭ الەۋمەتتىك- ەكونوميكالىق دامۋ قورىتىندىسى تۋرالى ەسەپ بەردى. سونداي-اق كوروناۆيرۋسقا قارسى كۇرەسكە قاتىستى قابىلدانعان شارالار، مەملەكەت باسشىسىنىڭ ۇكىمەتتىڭ الداعى ۋاقىتتا اتقاراتىن جۇمىسىنىڭ نەگىزگى باعىتتارى بويىنشا بەرگەن تاپسىرمالارى مەن مىندەتتەرى قاراستىرىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات