+7 (701) 759 90 19
-1 °С : نۇر-سۇلتان
5 °С : الماتى
USD 430.51 EUR 505.72
RUB 5.51 CNY 64.14
جاڭالىقتار

تۇرعىلىقتى مەكەنجايى باسقا قالادا بولسا 1- سىنىپقا باراتىن بالا نە ىستەۋى كەرەك

3 ماۋسىم 13:51
:ءبولىسۋ
تۇرعىلىقتى مەكەنجايى باسقا قالادا بولسا 1- سىنىپقا باراتىن بالا نە ىستەۋى كەرەك

نۇر- سۇلتان. قازاقپارات - نورماعا سايكەس، ءار سىنىپتا 25 بالاعا دەيىن بولۋى كەرەك. بۇل تۋرالى ءبىلىم جانە عىلىم مينيسترلىگى ۇيىمداستىرعان ونلاين بريفينگىدە ايتىلدى، دەپ حابارلايدى قازاقپارات ءتىلشىسى.

« Egov.kzپورتالى ارقىلى بالانى ءبىر مەكتەپتەن باسقا مەكتەپكە اۋىستىرۋعا بولادى. ءبىلىم جانە عىلىم مينيسترلىگىنىڭ قۇرامىندا 20 مىڭ مەكەمە بار. بۇل ۇيىمنىڭ ءبارىن اقپاراتتاندىرۋ قيىن، سول سەبەپتى بىزگە باسقا اقپاراتتىق جۇيەلەر كومەكتەسەدى. ءبىز ولارمەن بىرىگىپ جۇمىس ىستەيمىز. ءار وڭىردە ءارتۇرلى اقپاراتتىق جۇيە تۇر جانە بۇل قالىپتى جاعداي»، - دەدى ءبىلىم بەرۋدى سيفرلىق ترانسفورماتسيالاۋ دەپارتامەنتىنىڭ ديرەكتورى قانات كەنباي.

سونداي- اق، ق ر ب ع م مەكتەپكە دەيىنگى جانە ورتا ءبىلىم كوميتەتىنىڭ ءتورايىمى مايرا مەلدەبەكوۆا 1-سىنىپقا باراتىن بالانىڭ تۇرعىلىقتى مەكەنجايى باسقا قالادا بولسا نە ىستەۋ كەرەكتىگىن ايتتى.

«مۇنداي جاعدايدا وقۋشىنىڭ تۇرعىلىقتى مەكەنجايى تالاپ ەتىلمەيدى. ءبىراق مەكتەپكە حابارلاسىپ، ءمان- جايدى ءتۇسىندىرىپ، ماسەلەنى شەشۋگە بولادى. ءبىرىنشى سىنىپقا قابىلداۋ تۋرالى ءوتىنىشتى مەكتەپ ديرەكتورىنىڭ اتىنا جازادى، ال مامانداندىرىلعان وبلىستىق مەكتەپ بولسا - ءوتىنىشتى وبلىستىق نەمەسە قالالىق ءبىلىم باسقارماسىنا جازادى. مەكتەپ الدىمەن ءوزىنىڭ ميكروۋچاستوگىندەگى وقۋشىلاردى قابىلداۋى كەرەك. بيىلعى تالاپ بويىنشا ءار ءۇش بالا سول مەكتەپ ماڭىنداعى ۇيلەردەن الىنسا، ءتورتىنشى بالا باسقا تەرريتوريادان كەلە الادى. نورماعا سايكەس، ءار سىنىپتا 25 بالاعا دەيىن بولۋى كەرەك، ءبىراق بالا سانى كوپ بولعان سوڭ بۇل تالاپتار ساقتالا بەرمەيدى. بۇل ماسەلەنى جەرگىلىكتى ورگاندار كەزەڭ- كەزەڭىمەن شەشۋى ءتيىس»، - دەيدى ول.

اۆتور: زارينا قاھارمان



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات