1-ماۋسىمدا ەل اۋماعىنىڭ باسىم بولىگىندە جاڭبىر جاۋىپ، جەل تۇرادى
كەي جەرلەردە كۇن كۇركىرەپ، جاڭبىر جاۋادى، جەكەلەگەن اۋدانداردا داۋىل تۇرۋى، بۇرشاق جاۋۋى ىقتيمال. رەسپۋبليكانىڭ قالعان اۋماعىندا ىستىق اۋا رايى ساقتالادى.
كەي جەرلەردە جەلدىڭ كۇشەيۋى، وڭتۇستىك- باتىستا شاڭدى داۋىل تۇرۋى مۇمكىن، دەپ حابارلايدى قازاقپارات «قازگيدرومەت» ر م ك- گە سىلتەمە جاساپ.
قوستاناي وبلىسىنىڭ كەي جەرلەرىندە نايزاعاي، داۋىل كۇتىلەدى، بۇرشاق جاۋۋى ىقتيمال، جەل 15-20 م/س كۇشەيەدى.
سولتۇستىك قازاقستان وبلىسىنىڭ كەي جەرلەرىندە كۇندىز جەلدىڭ ەكپىنى 23-28 م/س جەتەدى.
اقمولا، كۇندىز قاراعاندى وبلىستارىنىڭ كەي جەرلەرىندە كۇن كۇركىرەپ، نايزاعاي وينايدى، جەل 15-23 م/س كۇشەيەدى.
تۇندە اتىراۋ، تاڭەرتەڭ جانە كۇندىز قىزىلوردا وبلىستارىنىڭ كەي جەرلەرىندە جەل تۇرادى، جىلدامدىعى - 15-20 م/س.
كۇندىز ماڭعىستاۋ وبلىسىنىڭ كەي جەرلەرىندە جەلدىڭ ەكپىنى 15-20 م/س جەتىپ، شاڭدى داۋىلعا ۇلاسادى.
الماتى، قىزىلوردا وبلىستارىندا، اتىراۋ وبلىسىنىڭ كەي جەرلەرىندە، اقتوبە، قوستاناي، قاراعاندى، ماڭعىستاۋ وبلىستارىنىڭ وڭتۇستىگىندە، تۇركىستان وبلىسىنىڭ باتىسىندا اپتاپ ىستىق كۇتىلەدى.
پاۆلودار وبلىسىنىڭ باسىم بولىگىندە، شىعىس قازاقستان، قىزىلوردا، اقمولا، جامبىل وبلىستارىنىڭ كەي جەرلەرىندە وتە جوعارى ءورت قاۋپى ساقتالادى.