ەلوردادا بلوكپوستار 1 - ماۋسىمعا قاراعان ءتۇنى الىنادى

None
None
نۇر- سۇلتان. قازاقپارت - نۇر- سۇلتاندا بلوكپوستار 1 - ماۋسىمعا قاراعان ءتۇنى الىنادى. بۇل تۋرالى قازاقپارات اكىمدىككە سىلتەمە جاساپ حابارلايدى.

«تاۋلىك بويى قالا اۋماعىندا ورنالاسقان بلوك بەكەتتەردە پوليتسيا قىزمەتكەرلەرى، قارۋلى كۇشتەردىڭ اسكەري قىزمەتشىلەرى، ۇلتتىق گۆارديانىڭ وكىلدەرى كەزەكشىلىك ەتتى. سونىمەن بىرگە، بلوكپوستاردا اسكەرگە شاقىرىلعاندار دا كەزەكشىلىك ەتتى. قالاعا كىرىپ- شىعۋعا تىيىم سالۋ Covid-19 ىندەتىنىڭ تارالۋىن ازايتۋعا مۇمكىندىك بەردى. بلوكپوستارعا كىرۋ جانە شىعۋ ۇدەرىسى تولىعىمەن اۆتوماتتاندىرىلعان. پوليتسيا قىزمەتكەرلەرىنىڭ پلانشەتتەرىنە ەنگىزىلگەن ەلەكتروندىق بازا ءتارتىپ بۇزۋشىلىقتى انىقتاۋعا كومەكتەستى. مىسالى، ءبىرقاتار كاسىپورىندار قالا بويىنشا ءجۇرىپ- تۇرۋ ءۇشىن انىقتامانى قولدان جاساۋعا تىرىستى. ازىق- تۇلىك جۇكتەرى ءۇشىن «جاسىل ءدالىز» ۇيىمداستىرىلدى، ول ارقىلى قالانىڭ تىنىس- تىرشىلىگىن قامتاماسىز ەتەتىن قىزمەتكەرلەر دە وتە الدى. بلوكپوستارداعى جاعدايدى دروندارمەن باقىلاۋ مۇمكىن بولدى»، - دەپ جازدى نۇر- سۇلتان قالاسى اكىمدىگىنىڭ باسپا ءسوز حاتشىسى اقمارال ولجابايەۆا جەلىدەگى پاراقشاسىندا.

ونىڭ ايتۋىنشا، وتكىزۋ- باقىلاۋ بەكەتتەرىن الۋ - قالىپتى ءومىر ءسۇرۋ داعدىسىنا ورالامىز دەگەندى بىلدىرمەيدى.

«قالادا مەديتسينالىق ماسكا كيىپ ءجۇرۋ قاجەت. تۇرعىندار سانيتارلىق نورمالاردى قاتاڭ ساقتاۋى كەرەك. ماسكا كيىپ، ارا قاشىقتىقتى ساقتاپ، قولدى انتيسەپتيكپەن وڭدەگەن ءجون»، - دەپ تولىقتىردى ول.

ەسكە سالساق، بۇعان دەيىن قازاقستان قالالارى اراسىنداعى بلوكپوستار الىناتىندىعى تۋرالى حابارلاعان بولاتىنبىز.

اۆتور: مارلان جيەمباي

سوڭعى جاڭالىقتار