+7 (701) 759 90 19
13 °С : نۇر-سۇلتان
14 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

مىندەتتى الەۋمەتتىك مەديتسينالىق ساقتاندىرۋ : قازاقستاندىقتار ءوز مارتەبەسىن 1 - شىلدەگە دەيىن انىقتاۋ قاجەت

3 ءساۋىر 23:06
:ءبولىسۋ
مىندەتتى الەۋمەتتىك مەديتسينالىق ساقتاندىرۋ : قازاقستاندىقتار ءوز مارتەبەسىن 1 - شىلدەگە دەيىن انىقتاۋ قاجەت

الماتى. قازاقپارات - ەلىمىزدە مىندەتتى الەۋمەتتىك مەديتسينالىق ساقتاندىرۋ جۇيەسى تولىعىمەن 1 - شىلدەدەن باستاپ ىسكە قوسىلادى. قازىرگى ۋاقىتتا بارلىق قازاقستاندىقتار شارتتى ساقتاندىرىلعان دەپ سانالادى.

«ءساۋىر ايىنان باستاپ ەلىمىزدە مىندەتتى الەۋمەتتىك مەديتسينالىق ساقتاندىرۋ جۇيەسى تولىققاندى ىسكە قوسىلۋى ءتيىس بولاتىن. ءبىراق مەملەكەت باسشىسىنىڭ كوروناۆيرۋس ىندەتىنە بايلانىستى بەرگەن تاپسىرماسىنا سايكەس، بۇل مەرزىمدى 1 -شىلدەگە اۋىستىرۋ تۋرالى شەشىم قابىلداندى. ياعني، وسى ۋاقىتقا دەيىن قازاقستاننىڭ بارلىق تۇرعىندارى شارتتى تۇردە ساقتاندىرىلعان بولىپ سانالادى»، - دەدى نۇرلىبەك قابدىقاپاروۆ.

سونىمەن قاتار، ول بۇل ەلدە تۇراتىن ءاربىر ازاماتتىڭ تەگىن مەديتسينالىق كومەك ءتۇرىن عانا ەمەس، مەديتسينالىق ساقتاندىرۋ پاكەتىندەگى قىزمەتتەردى دە پايدالانۋىنا مۇمكىندىك بەرەتىنىن ايتتى. جالپى العاندا، بۇل مۇمكىندىكتى 2,5 ميلليوننان استام ادام پايدالانادى. «قور ءوزىنىڭ ىشكى رەزەرۆىنەن 20 ميلليارد تەڭگەدەن استام قارجى ءبولۋدى جوسپارلاپ وتىر. ول ساقتاندىرىلماعان ازاماتتاردىڭ كومپيۋتەرلىك توموگرافيا، ماگنيتتى- رەزونانستىق توموگرافيا، پتسر سىندى قىمبات اناليزدەرگە دەگەن سۇرانىسىن قاناعاتتاندىرۋعا جۇمسالماق. قازىر ەلىمىزدە بارلىعى 16,4 ميلليونعا جۋىق ادام ساقتاندىرىلعان بولىپ سانالادى. ونىڭ 11 ميلليونعا جۋىعى الەۋمەتتىك جاعىنان از قامتىلعان ساناتتار. ياعني، حالىقتىڭ جارتىسىنان كوبى بيۋدجەت ەسەبىنەن ساقتاندىرىلىپ وتىر، - دەدى ول.

سپيكەردىڭ ايتۋىنشا، مەديتسينالىق ساقتاندىرۋ قورى 2020 -جىلعا رەسپۋبليكا بويىنشا 1250 دەن استام مەديتسينا ۇيىمىمەن كەلىسىمشارت بەكىتكەن، ونىڭ 600 دەن استامى جەكەمەنشىك ۇيىم. جەتكىزۋشىلەرمەن بەكىتىلگەن كەلىسىمشارتتىڭ جالپى سوماسى 1,3 تىريلليون تەڭگە. ال الماتى قالاسى بويىنشا بيىل 182,2 ميلليارد تەڭگەنىڭ قىزمەتىن ساتىپ الۋ كوزدەلگەن. ونىڭ: 110,7 ميلليارد تەڭگەسى - تەگىن مەديتسينالىق كومەك پاكەتىنە، 71,4 ميلليارد تەڭگەسى - ساقتاندىرۋ پاكەتىنە تيەسىلى.

«ەستەرىڭىزگە سالا كەتسەم، قازاقستاندا مىندەتتى الەۋمەتتىك مەديتسينالىق ساقتاندىرۋ جۇيەسى 2020 -جىلدىڭ باسىندا ەنگىزىلدى. اۋەلدە جىلدىڭ باستاپقى ءۇش ايى وتپەلى كەزەڭ رەتىندە جاريالاندى. سەبەبى، جاڭا جۇيە بولعاندىقتان ءارتۇرلى سۇراقتاردىڭ تۋىندايتىنى راس. وتپەلى كەزەڭ وسىنداي ماسەلەلەردى شەشىپ، تۇرعىنداردىڭ جاڭا جۇيەنى باعالاپ، ونىڭ ارتىقشىلىعىن سەزىنۋى ءۇشىن ەنگىزىلگەن بولاتىن. دەگەنمەن، بۇل قازاقستان ازاماتتارى مەن وسىندا تۇراقتى تۇراتىن شەتەلدىكتەردى جارنا تولەۋ مىندەتىنەن بوساتپايدى. شىلدەنىڭ بىرىنە دەيىن ساقتاندىرىلماعان تۇرعىندار م ءا م س پاكەتىندەگى قىزمەتتەردى پايدالانا المايدى»، - دەپ قورتىندىلادى نۇرلىبەك قابدىقاپاروۆ.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات