قازاقستاندا تاۋلىگىنە 1 ميلليون مەديتسينالىق ماسكا شىعارىلاتىن بولادى – ابايەۆ
بۇل تۋرالى بۇگىن ورتالىق كوممۋنيكاسيالار قىزمەتىندەگى بريفينگتە ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى
« قازىرگى ۋاقىتتا ءبىر تاۋلىكتىڭ ىشىندە وندىرىلەتىن بارلىق ماسكانىڭ جالپى سانى 604 مىڭ دانانى قۇرايدى. بۇل كولەم الداعى ۋاقىتتا تاۋلىگىنە 1 ميلليون داناعا جەتكىزىلەدى. نۇر- سۇلتان مەن الماتى قالالارىندا تاۋەكەل توبىنا كىرەتىن ادامدارعا تەگىن ماسكا بەرۋ ۇيىمداستىرىلادى» ، - دەدى مينيستر. ونىڭ ايتۋىنشا، ەلىمىز بويىنشا 27 مىڭ توسەك- ورىن دايىندالعان. ەلورداداعى توسەك- ورىنداردىڭ 25, ال الماتىدا 12 پايىزىندا عانا ادامدار جاتىر. سونداي- اق، ب ا ق وكىلدەرى كوروناۆيرۋس ينفەكسياسىنان قازا تاپقانداردى جەرلەۋ تەتىكتەرى بار ما دەپ سۇراعان ەدى.
« مۇنداي جايتتان قۇداي ساقتاسىن. دەگەنمەن، بىزدە الگوريتم ازىرلەنگەن. ول بۇكىل الەمدە قابىلدانعان نورمالار مەن ستاندارتتارعا ساي كەلەدى. سوندىقتان بۇل ماسەلەنى ناقتى ءبىر ادامدارعا قاتىستى تالقىلامايمىز دەپ ويلايمىن» ، - دەدى داۋرەن ابايەۆ.