16:35, 20 - ناۋرىز 2020 | GMT +6
تيمۋر قۇلىبايەۆ جانە قايرات بورانبايەۆ كوروناۆيرۋسپەن كۇرەسكە 1 ميلليارد تەڭگە ءبولدى
نۇر- سۇلتان. قازاقپارات - تيمۋر قۇلىبايەۆ جانە قايرات بورانبايەۆ كوروناۆيرۋس ەپيدەمياسى سالدارىمەن كۇرەسكە 1 ميلليارد تەڭگە ءبولدى. بۇل تۋرالى قازاقپارات « اتامەكەن» ۇ ك پ سايتىنا سىلتەمە جاساپ حابارلايدى.
قاراجات نۇر- سۇلتان جانە الماتى قالالارىنىڭ اكىمدىكتەرى ارقىلى بولىنەتىن بولادى. وپەراتور بولىپ Halyk قايىرىمدىلىق قورى بەلگىلەندى تيمۋر قۇلىبايەۆ جانە قايرات بورانبايەۆتىڭ تاراپىنان بۇل قايىرىمدىلىققا ارنالعان العاشقى قاراجات ەمەس. ەسكە سالساق، كاسىپكەرلەر تيمۋر ق ۇلىبايەۆ جانە قايرات بورانبايەۆ ارىس قالاسىنا قالا اپاتتان سوڭ جابىلعان كەزدە بىردەن باردى. تۇركىستان وبلىسىنىڭ اكىمى ءومىرزاق شوكەيەۆپەن بىرگە اپات سالدارىنان كەلتىرىلگەن زالال مولشەرىمەن تانىستى، سودان كەيىن الەۋمەتتىك ماڭىزى بار وبەكتىلەر - مەكتەپ پەن بالاباقشانى قالپىنا كەلتىرۋ بويىنشا شەشىم قابىلدادى. بۇل ماقساتقا تيمۋر قۇلىبايەۆ جانە قايرات بورانبايەۆ 1 ميلليارد تەڭگە ءبولدى. اتالعان باستامانى حالىق بانكىنىڭ Halyk قايىرىمدىلىق قورى قولدادى.