الماتىدا 1 ميلليون ماسكانى جوعارى باعامەن ساتقان تۇرعىندار ۇستالدى
شارا بارىسىندا قالاداعى ءتورت نۇكتەدەن كاسىپكەرلىك قىزمەتپەن اينالىساتىن رۇقسات قۇجاتى جوق قالا تۇرعىندارى ۇستالدى. ولار جوعارى باعامەن مەديتسينالىق ماسكا ساتىپ كەلگەن.
رەيد شارالارى ناتيجەسىندە جالپى سوماسى 191 ميلليون تەڭگە تۇراتىن 1053520 ماسكا تاركىلەندى.
قازاقستان رەسپۋبليكاسى پرەزيدەنتى جانىنداعى توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيانىڭ حاتتاماسىنا سايكەس، تاركىلەنگەن بارلىق ماسكا الماتى قالالىق قوعامدىق دەنساۋلىق ساقتاۋ باسقارماسىنا بەرىلدى. قازىرگى ۋاقىتتا اتالعان فاكتى بويىنشا ق ر ق ك 214-بابى 1-بولىگىمەن سوتقا دەيىنگى تەرگەۋ جۇمىستارى باستالدى.
بۇدان بولەك، ق ر ق م ق م ك الماتى قالالىق ەكونوميكالىق تەرگەۋ دەپارتامەنتى مەديتسينالىق ماسكا مەن انتيسەپتيك قۇرالدى ساتۋ بويىنشا الاياقتىق ءىس-ارەكەتتەردىڭ جولىن كەسۋ جونىندەگى رەيد شارالارىن جۇرگىزەتىن تەرگەۋ-جەدەل توبىن قۇردى.