+7 (701) 759 90 19
23 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

ەلەكتر ەنەرگياسىنا 1 تەڭگە قارىز بولسا، جارىقتان اجىراتىلا ما

26 اقپان 17:49
:ءبولىسۋ
ەلەكتر ەنەرگياسىنا 1 تەڭگە قارىز بولسا، جارىقتان اجىراتىلا ما

الماتى. قازاقپارات - ەلەكتر ەنەرگياسى ءۇشىن 1 تەڭگە قارىزى بار قازاقستاندىقتار جارىقتان اجىراتىلادى، دەپ حابارلايدى قازاقپارات ءتىلشىسى.

«قازاقستان تۇتىنۋشىلار ليگاسى» قاۋىمداستىقتىڭ تۇسىندىرۋىنشە، 2020 -جىلعى 24 - اقپاندا ق ر ەنەرگەتيكا ءمينيسترىنىڭ كەيبىر بۇيرىقتارىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ەنەرگەتيكا ءمينيسترىنىڭ №43 بۇيرىعى كۇشىنە ەندى، ول ەلەكتر ەنەرگياسىن پايدالانۋ ەرەجەلەرىنە قاتىستى تۇزەتۋلەردى بەكىتكەن.

جاڭا تالاپتارعا سايكەس، تۇتىنۋشى ەلەكتر قۋاتى ءۇشىن اقىنى ۋاقىتىندا نە تولىق تولەمەسە، ەلەكتر تۇتىنۋ رەجىمىن بۇزسا جانە ونى جويۋ تۋرالى تالاپتاردى بەلگىلەنگەن مەرزىمدە ورىنداماسا ەنەرگيا بەرۋشى (ەنەرگيا ءوندىرۋشى) ۇيىم ەلەكتر قۋاتىن بەرۋدى تولىق نەمەسە ءىشىنارا توقتاتۋعا قۇقىلى.

«بۇل رەتتە ەنەرگيامەن جابدىقتاۋشى ۇيىم تۇتىنۋشىعا ەلەكتر ەنەرگياسىن ءوشىرۋ ءۇشىن كەمىندە 5 جۇمىس كۇنى بۇرىن ەلەكتروندىق پوشتامەن، فاكس ارقىلى، پوشتامەن، مۋلتيمەديالىق حابارلامامەن نە قولدانىستاعى مەسسەندجەرلەر ارقىلى ەسكەرتۋ حابارلاماسىن جىبەرەدى»، - دەلىنگەن حابارلامادا.

بۇرىن وسى ەرەجەلەرگە سايكەس ەنەرگيامەن جابدىقتاۋشى ۇيىم تۇتىنۋشىنى ءوشىرۋ تۋرالى حابارلامامەن تانىسقانى تۋرالى جازباشا راستاۋدى الۋى ءتيىس بولاتىن، ەندى جوعارىدا كورسەتىلگەن تاسىلدەرمەن حابارلامانى جىبەرۋدى تىركەۋ عانا قاجەت.

سونداي- اق، سوندىرىلگەن جاعدايدا قايتا قوسىلۋ قۇنى پاتەردە تۇراتىن جەكە تۇلعالار ءۇشىن - 6730 تەڭگە، جەكە ۇيدە تۇراتىن جەكە تۇلعالارعا 10115 تەڭگە، زاڭدى تۇلعالارعا - 11606 تەڭگە.

قازاقستان رەسپۋبليكاسىنىڭ ازاماتتىق ءىس جۇرگىزۋ كودەكسىنە سايكەس تۇتىنىلعان ەلەكتر قۋاتى ءۇشىن دەبيتورلىق بەرەشەكتى ءوندىرىپ الۋ نوتاريۋستاردىڭ قاراماعىنا بەرىلدى. اتقارۋ جازباسىن جاساعانى ءۇشىن شىعىستار 1,5 ا ە ك (3977 تەڭگە) ، 200 مىڭ تەڭگەدەن استام بەرەشەك بولعان جاعدايدا - بەرەشەك سوماسىنىڭ % 3- ىن قۇرايدى. سوتقا تالاپ ارىز بەرگەن جاعدايدا بەرەشەك سوماسىنىڭ % 3 مولشەرىندە سوت شىعىندارىن تولەيدى.

سونىمەن قاتار، ەلەكتر ەنەرگياسىن قايتا قوسۋ 2 جۇمىس كۇنى ىشىندە جۇرگىزىلەدى.

اۆتور الما مۇقانوۆا



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات