+7 (701) 759 90 19
6 °С : نۇر-سۇلتان
13 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

وڭتۇستىك كورەيادا ۆيرۋس جۇقتىرعاندار سانى 1 مىڭنان استى

26 اقپان 11:44
:ءبولىسۋ
وڭتۇستىك كورەيادا ۆيرۋس جۇقتىرعاندار سانى 1 مىڭنان استى

سەۋل. قازاقپارات - سارسەنبى كۇنى وڭتۇستىك كورەيادا تاعى 169 ادامنىڭ كوروناۆيرۋس جۇقتىرعانى بەلگىلى بولدى، دەپ حابارلايدى قازاقپارات رەنحاپ اگەنتتىگىنە سىلتەمە جاساپ.

وسىلايشا، ەلدە جالپى كوروناۆيرۋس جۇقتىرعاندار سانى 1146 عا جەتتى. ەسكە سالا كەتسەك، وڭتۇستىك كورەيادا ۆيرۋس جۇقتىرعان العاشقى ادام قاڭتاردىڭ سوڭىندا تىركەلگەن بولاتىن.

قازىرگى ۋاقىتتا وڭتۇستىك كورەيادا كوروناۆيرۋستان 11 ادام قايتىس بولدى، ونىڭ ىشىندە باۋىردى اۋىستىرۋ ءۇشىن اۋرۋحاناعا جاتقىزىلعان 36 جاستاعى موڭعوليا ازاماتى بار.

ىندەتتىڭ 80 پايىزعا جۋىعى كوروناۆيرۋستىڭ نەگىزگى تارالۋ وشاعى - وڭتۇستىك-شىعىستا ورنالاسقان تەگۋ قالاسىنداعى ءدىني سەكتا مەن كورشىلەس چحوندا ۋەزىندەگى ەمحانادا تىركەلدى.

169 جاڭا وقيعانىڭ 153 ءى سەۋلدەن وڭتۇستىك-شىعىسقا قاراي 300 شاقىرىم جەردە ورنالاسقان تەگۋ قالاسى مەن كورشىلەس سولتۇستىك كەنساندا تىركەلدى.

بارلىق ءىرى پروۆينتسيالار مەن قالالار ينفەكتسيا جۇقتىرعان ادامداردىڭ بار ەكەنى تۋرالى حابار بەردى. وڭتۇستىك كورەيا استاناسى سەۋلدە تاعى ءتورت ادام ۆيرۋس جۇقتىردى. مۇنداي مالىمەتتى كورەيانىڭ اۋرۋلاردى باقىلاۋ جانە الدىن الۋ ورتالىعى (KCDC) ۇسىندى.

KCDC دەرەگى بويىنشا، وڭتۇستىك كورەيادا اۋقىمى جاعىنان ەكىنشى ورىن الاتىن پۋساندا تاعى 8 ادام ۆيرۋس جۇقتىرعانى انىقتالدى. ەلدەگى حالىق ەڭ تىعىز ورنالاسقان كەنگيدو پروۆينتسياسىندا ءبىر ادام ىندەت جۇقتىرعان.

جەكسەنبى كۇنى ۆيرۋستى ەسكەرتۋ دارەجەسى ەڭ جوعارعى - «قىزىلعا» جەتكەننەن كەيىن، دەنساۋلىق ساقتاۋ ورگاندارى ۆيرۋس وشاعى - تەگۋ قالاسى مەن سولتۇستىك كەنسان پروۆينتسياسىندا ىندەتتىڭ تارالۋىن توقتاتۋعا باسا نازار اۋدارا باستادى.

ساراپشىلاردىڭ ايتۋىنشا، جاقىن كۇندەرى كوروناۆيرۋس جۇقتىرعانداردىڭ سانى ارتادى. ويتكەنى دەنساۋلىق ساقتاۋ ورگاندارى سينچحوندجي مەن باسقا پروۆينتسيالارداعى يسۋس شىركەۋى ءدىني سەكتاسىنىڭ 210 مىڭنان استام مۇشەسىن تەكسەرىستەن وتكىزۋدى جوسپارلاپ وتىر.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات