+7 (701) 759 90 19
-3 °С : نۇر-سۇلتان
2 °С : الماتى
USD 378.60 EUR 417.75
RUB 6.13 CNY 54.58
جاڭالىقتار

قاراعاندىدا سوعىس ارداگەرلەرىنە 1 ميلليون تەڭگەدەن كومەك بەرىلمەك

15 قاڭتار 08:40
:ءبولىسۋ
قاراعاندىدا سوعىس ارداگەرلەرىنە 1 ميلليون تەڭگەدەن كومەك بەرىلمەك

قاراعاندى. قازاقپارات - قاراعاندىدا ەكىنشى دۇنيەجۇزىلىك سوعىستىڭ ارداگەرلەرىنە 1 ميلليون تەڭگەدەن ءبىر رەتتىك كومەك بەرىلمەك، دەپ حابارلايدى قازاقپارات ءتىلشىسى.

«بيىلعى جىلى ەكىنشى دۇنيەجۇزىلىك سوعىستىڭ اياقتالعانىنا 75 جىل تولادى. وسىعان وراي وتەتىن شارالار قازىر جان-جاقتى پىسىقتالۋدا. سونىمەن قاتار، سوعىس ارداگەرلەرىنە 1 ميلليون تەڭگە كولەمىندە ءبىر جولعى كومەك قاراجات بەرىلەدى»، - دەدى قاراعاندى قالاسى ىشكى ساياسات ءبولىمىنىڭ باسشىسى دارحان جيەنبايەۆ قالا اكىمدىگىنىڭ اپپارات كەڭەسىندە.

سونىمەن قاتار، ارداگەرلەرگە قامقورلىق كورسەتۋ ماقساتىندا «ارداعىم ارداگەرىم» اكسياسى جالعاسۋدا. جاستار اراسىنان ۆولونتەرلەر تازالاۋ نەمەسە جوندەۋ جۇمىستارىن جۇرگىزۋ، تۇرمىستىق ماسەلەلەردى شەشۋگە كومەكتەسۋ ءۇشىن قارت ادامداردىڭ ۇيلەرىنە بارادى.

اقپان ايىندا سوۆەت اسكەرلەرىنىڭ اۋعانستاننان شىعارىلعانىنا 31 جىل تولادى. ءبولىم باسشىسىنىڭ ايتۋىنشا، جاۋىنگەر- ينتەرناتسيوناليستەرگە 100 مىڭ تەڭگەدەن ماتەريالدىق كومەك بەرىلەدى.

بۇگىنگى تاڭدا قاراعاندىدا ەكىنشى دۇنيەجۇزىلىك سوعىسقا قاتىسقان 38 ارداگەر تۇرادى. سونداي-اق، 698 تۇرعىن اۋعانستانداعى سوعىسقا قاتىسقان.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات