17:52, 31 - جەلتوقسان 2019 | GMT +6
الماتىدا 1- قاڭتاردان باستاپ «سەرگەك» كامەرالارى ىسكە قوسىلادى
الماتى. قازاقپارات - 2020-جىلدىڭ 1- قاڭتارىنان باستاپ الماتىدا «سەرگەك» بەينەباقىلاۋ كامەرالارى ىسكە قوسىلادى دەپ حابارلايدى قازاقپارات ءتىلشىسى الماتى قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
مەگوپوليس كوشەلەرىندە 400 جاڭا كامەرا ىسكە قوسىلادى.
«بۇل كامەرالار جول ءجۇرۋ ەرەجەسىن بۇزعانداردى انىقتايدى. اسىرەسە جىلدامدىقتى اسىرۋ، باعدارشامنىڭ قىزىل تۇسىنە ءوتۋ، جول بەلگىلەرى تالاپتارىن ورىنداماۋ، ايالداما ەرەجەلەرى نەمەسە توقتاۋ ەرەجەسىن بۇزۋ، سونىمەن قاتار قوعامدىق كولىك جولاعىنا شىعىپ كەتۋ سياقتى ەرەجە بۇزىلعان جاعدايدى تىركەيدى»، - دەلىنگەن حابارلامادا.
پوليتسيا جۇرگىزۋشىلەردى جول ەرەجەلەرىن قاتاڭ ساقتاۋعا شاقىرادى.