+7 (701) 759 90 19
20 °С : نۇر-سۇلتان
24 °С : الماتى
USD 409.98 EUR 462.21
RUB 5.75 CNY 58.43
جاڭالىقتار

ستۋدەنتتەرگە ۆولونتەرلىك قىزمەتتىڭ ءار ساعاتى ءۇشىن 1 مىڭ تەڭگەدەن تولەنەدى

13 جەلتوقسان 18:30
:ءبولىسۋ
ستۋدەنتتەرگە ۆولونتەرلىك قىزمەتتىڭ ءار ساعاتى ءۇشىن 1 مىڭ تەڭگەدەن تولەنەدى

نۇر-سۇلتان. قازاقپارات – ق ر اقپارات جانە قوعامدىق دامۋ مينيسترلىگىنىڭ جاستار جانە وتباسى ىستەرى كوميتەتىنىڭ ءتوراعاسى ماديار قوجاحمەت قازاقستاندا ۆولونتەرلىكتى قولداۋ باعىتىنداعى اۋقىمدى جۇمىستاردىڭ جوسپارىمەن ءبولىستى، دەپ حابارلايدى قازاقپارات ءتىلشىسى.

«ۆولونتەرلەر جىلىنا بايلانىستى جالپى ەرىكتىلەر جۇمىسىنا دەگەن قىزىعۋشىلىقتى ارتتىرۋ جوسپارلانعان. ءبىرشاما ۇسىنىس تا ءتۇسىپ جاتىر. اتاپ ايتقاندا، بيىل «الەۋمەتتىك ستۋدەنتتىك نەسيە» اتتى جوباسىن باستادىق. ول بويىنشا ستۋدەنت جاستارعا ۆولونتەرلىك قىزمەتتىڭ ءار ساعاتى ءۇشىن 1000 تەڭگەدەن تولەنەدى. ولار وسى سومانى وقۋ قاجەتتىلىگىنە جۇمساپ، بازالىق شىعىندارىن وتەي الادى»، - دەدى ماديار قوجاحمەت و ك ق- دا وتكەن باسپا ءسوز ءماسليحاتىندا.

ونىڭ ايتۋىنشا، ۆولونتەرلىك قىزمەتتىڭ ءار ساعاتى ءۇشىن تولەنەتىن قاراجات رەسپۋبليكالىق بيۋجەتكە ەنگىزىلىپ قويعان.

«وپەراتور - ءبىلىم جانە عىلىم مينيسترلىگى. Qazvolunteer.kz سايتى بار. اتالعان سايتتا ۆولونتەرلىك قىزمەت كورسەتۋگە نيەتى بار جاستار تىركەلەدى. قازىر ج و و ستۋدەنتتەرى تىركەلىپ جاتىر. ءبىراق، كەلەسى جىلى پروتسەسسكە كوللەدج ستۋدەنتتەرى دە تارتىلار دەگەن ۇمىتتەمىز»، - دەدى ول.

كوميتەت ءتوراعاسىنىڭ ايتۋىنا قاراعاندا، بۇدان بۇرىن ايتىلعانداي، ۆولونتەرلىك قىزمەت مەرزىمىن ەڭبەك كىتاپشاسىنا ەنگىزۋ جۇمىسى دا پىسىقتالۋ ۇستىندە.

«بۇل - ەۋروپا ەلدەرىندە كەڭىنەن تارالعان تاجىريبە. دامىعان ەلدەردە بەلسەندى ۆولونتەرلىك قىزمەت - قوسىمشا باسىمدىققا يە. سونىمەن بىرگە، مەملەكەت باسشىسى ءوز سوزىندە ۆولونتەرلىكتى دامىتۋدىڭ جەتى باعىتىن اتاعان ەدى. وسى باعىتتار اياسىندا ارنايى جوبالار جاسالادى. ماسەلەن، «قامقورلىق» جوباسى اياسىندا جەڭىستىڭ 75 جىلدىعى قارساڭىندا ۆولونتەرلەردى ەسكەرتكىشتەردى قالپىنا كەلتىرۋ ىسىنە تارتۋ كوزدەلگەن. بۇعان قوسا ارحيۆتەردى سيفرلاندىرۋ ءىسىنىڭ ماڭىزى العا شىقتى. بۇل باعىتتا دا ۆولونتەرلەر توبى جاساقتالادى»، - دەدى ول.

ماديار قوجاحمەت ءوز سوزىندە رەسەيلىك مامانداردىڭ قاتىسۋىمەن ۆولونتەرلىكتىڭ حالىقارالىق كەڭەسى قۇرىلعانىن ايتىپ ءوتتى.

«جۇمىس باعىتتارىن ايقىنداپ الۋ ءۇشىن رەسەيلىك ارىپتەستەرمەن اۋقىمدى ءۇش كەزدەسۋ ۇيىمداستىرماقپىز. وسىدان 2 جىل بۇرىن رەسەيدە «ەرىكتىلەر جىلى» وتكەن بولاتىن»، - دەدى ول.

ەسكە سالا كەتسەك، جاستار جىلىنىڭ جابىلۋ جانە ۆولونتەر جىلىنىڭ اشىلۋ سالتاناتىندا مەملەكەت باسشىسى قاسىم-جومارت توقايەۆ ۆولونتەرلىك جۇمىستاردىڭ نەگىزگى باعىتتارىن اتاعان بولاتىن. ءوز كەزەگىندە ق ر اقپارات جانە قوعامدىق دامۋ ءمينيسترى داۋرەن ابايەۆ قازاقستان وڭىرلەرىندە ۆولونتەرلىكتى قولداۋعا ارنالعان ورتالىقتار اشىلاتىنىن حابارلاعان ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات