18:30, 16 - قىركۇيەك 2019 | GMT +6
عالىمدار جەر قويناۋىنان 1 ميلليارد توننا الماز تاپتى
استانا. قازاقپارات - ماسساچۋسەتس تەحنولوگيالىق ينستيتۋتىنىڭ (MIT) عالىمدارى سوڭعى زەرتتەۋلەرىندە ۇلكەن ولجاعا كەنەلىپ، جەر قويناۋىندا 1 ميلليارد توننا المازدى تاپقان. بۇل تۋرالى ناۋچنىي فاكت تەلەگرامم كانالى جازدى.
زەرتتەۋ جۇمىستارىنىڭ باستاپقى ماقساتى ليتوسفەرانىڭ ءتۇزىلۋ مودەلىن قۇراستىرۋ بولعان.
عالىمدار جەردىڭ بەتكى قاباتىن ينفرادىبىستى تولقىنمەن ساۋلەلەندىرۋ ءادىسى ارقىلى المازدى تاپقان. تولقىننىڭ ۇزاقتىعى تەمپەراتۋرا مەن زاتتىڭ قالىڭدىعىنا قاراي وزگەرىپ وتىرعان.
المازدىڭ مول قورى جەر استىندا 200 شاقىرىم تەرەڭدىكتە ورنالاسقان. سوندىقتان ول قازىر ادامدارعا قولجەتىمسىز بولىپ تۇر. عالىمداردىڭ ايتۋىنشا، جەر استىنداعى ونداي تەرەڭدىكتتى بۇرعىلايتىن تەحنولوگيا قازىر جوق كورىنەدى.
«سوڭعى زەرتتەۋلەر گەولوگيالىق كولەمدە المازدىڭ جەردە كوپ تاراعان ماتەريال ەكەنىن كورسەتتى. وكىنىشكە قاراي، قازىر المازعا جەتۋ مۇمكىن بولماي تۇر» ، - دەيدى ماسساچۋسەتس تەحنولوگيالىق ينستيتۋتىنىڭ عالىمى ۋلريح فاۋل.
BAQ. KZ