+7 (701) 759 90 19 Лента
10 °С : نۇر-سۇلتان
7 °С : الماتى
USD 385.42 EUR 424.58
RUB 6.00 CNY 54.31
جاڭالىقتار

ەلوردادا 1- قىركۇيەكتە اباي اتىنداعى مەكتەپ-گيمنازيا اشىلادى

23 تامىز 14:31
:ءبولىسۋ
ەلوردادا 1- قىركۇيەكتە اباي اتىنداعى مەكتەپ-گيمنازيا اشىلادى

نۇر-سۇلتان. قازاقپارات - ەلوردادا 1- قىركۇيەكتە اباي اتىنداعى مەكتەپ-گيمنازيا اشىلادى. بۇل تۋرالى نۇر-سۇلتان قالاسى اكىمىنىڭ ورىنباسارى باقتيار ماكەن ءمالىم ەتتى، دەپ حابارلايدى قازاقپارات ءتىلشىسى.

«پرەزيدەنت قاسىم-جومارت كەمەل ۇلى «ءبىز ابايدى ۇلىقتاۋ ارقىلى جاس ۇرپاقتىڭ بويىنا ۇلتتىق رۋح دارىتامىز. اباي ارقىلى ەلىمىزدى الەمگە پاش ەتەمىز، اباي مۇراسى - ءبىزدىڭ قاستەرلى قازىنامىز» دەپ ايرىقشا اتاپ وتكەن بولاتىن. وسى رۋحاني قازىنامىزدى ساف التىنداي ساقتاپ، تازا كۇيىندە كەلەشەك ۇرپاققا جەتكىزۋ، ولاردىڭ ساناسىنا اباي ايتقان ىستىق قايرات، نۇرلى اقىل، جىلى جۇرەك دەگەن ءۇش قاسيەتتى ءسىڭىرۋ - ءبىزدىڭ مىندەتىمىز دەپ بىلەمىن. وسى قاعيدانى بەرىك ۇستانا وتىرىپ، ىستىق قايرات دەگەنىمىز - سپورتقا باۋلۋ، نۇرلى اقىل - ساناسىنا ءبىلىم ءنارىن قۇيۋ، جىلى جۇرەك - ەستەتيكالىق تاربيە بەرۋ دەپ ءتۇسىنۋىمىز كەرەك دەپ ويلايمىز»، - دەدى باقتيار ماكەن ەلوردادا ابايدىڭ تۋعانىنا 174 جىل تولۋىنا وراي وتكەن ءىس-شارا بارىسىندا.

قالا اكىمىنىڭ ورىنباسارى 1997-جىلى ەلورداداعى ۇلكەن داڭعىلعا ابايدىڭ ەسىمى بەرىلگەنىن ەسكە سالدى.

«تاۋەلسىزدىك العالى بەرى قازىر ءبارىمىز جينالىپ تۇرعان داڭعىل - ەلورداداعى ەڭ ۇلكەن كوشەلەردىڭ ءبىرى بولىپ سانالادى. الدىمىزداعى ابايدىڭ ەسكەرتكىشى 2010-جىلى اشىلدى. ۇلى اباي مۇراسى ەلوردامىزدىڭ ۇدايى تۇردە ناسيحاتتالىپ، قىرۋار ىستەر اتقارىلۋدا. سىزدەردىڭ الدارىڭىزدا ءبىز دە ۇلكەن جاڭالىق ايتقىمىز كەلەدى. قۇداي قالاسا، بالالار مەكتەپكە باراتىن 1- قىركۇيەكتە وسى ەلوردامىزدا اباي اتىنداعى ۇلكەن گيمنازيا اشپاقپىز. سول گيمنازياعا بارشالارىڭىزدى شاقىرامىز»، - دەدى باقتيار ماكەن.

ەسكە سالا كەتسەك، بۇگىن اباي قۇنانباي ۇلىنىڭ دۇنيەگە كەلگەنىنە تۋرا 174 جىل تولۋىنا وراي ەلوردادا «اباي الەمى» اتتى رۋحاني-تاعىلىمدىق ءىس-شارا وتكەن بولاتىن. وندا ەلىمىزگە بەلگىلى زيالى قاۋىم وكىلدەرى، ابايتانۋشىلار مەن قالا اكىمدىگىنىڭ وكىلدەرى باس قوستى.

ايتا كەتسەك، ق ر پرەزيدەنتى مامىر ايىندا ابايدىڭ 175 جىلدىق مەرەيتويى تۋرالى جارلىققا قول قويعان ەدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات