ىشكى ىستەر ورگاندارىندا 1-شىلدەدەن باستاپ جالاقى قالاي كوتەرىلەدى؟

None
None
نۇر-سۇلتان. قازاقپارات - 2019-جىلدىڭ 1- شىلدەسىنەن ىشكى ىستەر ورگاندارى قىزمەتكەرلەرىنىڭ جالاقىسى كوتەرىلەدى.

بۇل تۋرالى ىشكى ىستەر ورگاندارىنىڭ قىزمەتكەرلەرىن كاسىبي مەرەكەلەرىمەن قۇتتىقتاعان ق ر ىشكى ىستەر ءمينيسترى ەرلان تۇرعىمبايەۆ ايتتى، دەپ حابارلايدى قازاقپارات ءتىلشىسى.

«بيىل 1- شىلدەدەن باستاپ پاترۋلدىك پوليتسيا قىزمەتكەرلەرىنىڭ جالاقىسى 65 پايىزعا، جەدەل-تەرگەۋ قۇرامى قىزمەتكەرلەرىنىڭ جالاقىسى 55 پايىزعا، ۋچاسكەلىك ينسپەكتورلار مەن كامەلەتكە تولماعاندار ءىسى جونىندەگى ينسپەكتورلاردىڭ جالاقىسى 25 پايىزعا، قالعان قىزمەت وكىلدەرىنىڭ جالاقىسى 20 پايىزعا ارتاتىن بولادى»، - دەدى ول.

ونىڭ اتاپ وتۋىنشە، تۇرعىن ءۇي وتەماقىسىن الۋعا قۇقىعى بار قىزمەتكەرلەر ساناتىنىڭ ءتىزىلىمى دە كەڭەيتىلەدى.

بۇعان دەيىن مۇنداي جەڭىلدىكتى 6 مىڭ قىزمەتكەرلەر السا، الداعى ۋاقىتتا ولاردىڭ سانى 15,5 مىڭعا جەتەدى.

«150 مىڭ قىزمەتكەرى مەن اسكەري قىزمەتشىسى بار ىشكى ىستەر مينيسترلىگى ەڭ ءىرى ءارى قىزمەت سالاسى كوپ مەملەكەتتىك ورگان سانالادى. ءبىز باسپاناعا وتەماقىنى بىرتىندەپ، ءبىراق بارلىعى الۋىن جوسپارلاپ وتىرمىز. ءبىزدىڭ قاتارىمىزدا ءوز ىسىنە بەرىلگەن ادامدار قىزمەت ەتەدى»، - دەدى ە. تۇرعىمبايەۆ.

سوڭعى جاڭالىقتار