13:22, 12 - ماۋسىم 2019 | GMT +6
جەمقورلىققا قارسى رەفورمالار توپتاماسى 1 -قىركۇيەككە دەيىن دايىندالادى
نۇر-سۇلتان. قازاقپارات - سىبايلاس جەمقورلىققا قارسى جۇيەلى جۇمىس جۇرگىزەمىز.
بۇل تۋرالى تاۋەلسىزدىك سارايىنداعى ۇلىقتاۋ راسىمىندە قازاقستان پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
سىبايلاس جەمقورلىقتى جويۋ ماسەلەسىنە توقتالعان پرەزيدەنت، «1 -قىركۇيەككە دەيىن جەمقورلىقتىڭ دەڭگەيىن مەيلىنشە تومەندەتۋگە باعىتتالعان رەفورمالار توپتاماسى دايىندالادى. جەمقورلىق مەملەكەتتىڭ دامۋىن تەجەيتىن كەسەل»، - دەپ ەرەكشە اتاپ ءوتتى.
«بۇل قوعامداعى ءوزارا سەنىمگە، جالپى مەملەكەتىمىزدىڭ قاۋىپسىزدىگىنە قاتەر توندىرەتىن قۇبىلىس. سىبايلاس جەمقورلىققا قارسى جۇيەلى جۇمىس جۇرگىزەمىز»، - دەدى مەملەكەت باسشىسى.