+7 (701) 759 90 19 Лента
4 °С : استانا
15 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

موبيلدى ازاماتتار بازاسىنا جىل باسىنان بەرى 1 ميلليون ادام تىركەلدى

15 مامىر 09:30 174
:ءبولىسۋ
موبيلدى ازاماتتار بازاسىنا جىل باسىنان بەرى 1 ميلليون ادام تىركەلدى

نۇر- سۇلتان. قازاقپارات - «ازاماتتارعا ارنالعان ۇكىمەت» مەملەكەتتىك كورپوراتسياسى 2019 -جىلدىڭ العاشقى ءتورت ايىندا 1,1 ميلليون اسا ازاماتتى موبيلدى ازاماتتار بازاسىنا تىركەدى. وسىلايشا اتالمىش بازاعا تىركەلگەن قازاقستاندىقتاردىڭ سانى 6,8 ميلليونعا جۋىقتاپ وتىر،

 دەپ حابارلايدى قازاقپارات.

موبيلدى ازاماتتار بازاسىنا تىركەۋ ەرىكتى تۇردە جۇرگىزىلەدى، مۇندا ازاماتتاردىڭ جەكە سايكەستەندىرۋ ءنومىرى مەن ۇيالى تەلەفون ءنومىرى بايلانىستىرىلىپ، بازاعا ەنگىزىلەدى. بۇل ارقىلى دەرەكقوردا جەكە مالىمەتتەرى بار ادامدار حالىققا قىزمەت كورسەتۋ ورتالىعىنا بارماي، بىرنەشە مەملەكەتتىك قىزمەت پەن سەرۆيستى ونلاين تۇردە الا الادى.

ماسەلەن، بازاعا تىركەلگەندەر egov.kz پورتالىنىڭ قۇپياءسوزىن ۇمىتقان جاعدايدا، ۇيالى تەلەفوندارىنا بىررەتىك قۇپياسوزگە سۇراۋ جىبەرە الادى. سمارتفونداعى mgov.kz قوسىمشاسىنىڭ 81 ءتۇرلى قىزمەتىن قولدانا الادى. جاڭا بوسانعان انالار پرواكتيۆتى قىزمەت اياسىندا، بالا تۋىلعان شاقتا جىبەرىلگەن سمسكە جاۋاپ بەرۋ ارقىلى تۋۋ كۋالىگى مەن جاردەماقىنىڭ تاعايىندالۋىنا ءوتىنىش بەرىپ، بوبەكتى بالاباقشا كەزەگىنە قويا الادى.

سونىمەن قاتار بازاعا تىركەلگەن ازاماتتار telegram-داعى egovkzbot كومەگىمەن 25 قىزمەتتى ەمىن- ەركىن قولدانا الادى. بۇل سەرۆيس ۇيالى تەلەفون ارقىلى مەكەنجاي، سوتتىلىقتىڭ بولماۋى، ديسپانسەرلەردىڭ ەسەبىندە تۇرماۋ تۋرالى، جىلجىمايتىن مۇلىكتىڭ بولۋ/بولماۋى سياقتى ءبىرقاتار انىقتامانى الىپ، دارىگەر قابىلداۋىنا جازىلۋعا، ح ق و كەزەگىن ونلاين برونداۋعا، ايىپپۇلداردىڭ بار/جوعىن تەكسەرۋگە مۇمكىندىك بەرەدى. اتالمىش بوت 2018 -جىلى ىسكە قوسىلدى. وسى ۋاقىتقا دەيىن ونى 300 مىڭعا جۋىق ادام قولدانىپ، 162 مىڭ رەت مەكەنجاي انىقتاماسىن الىپ ۇلگەردى.

 قازاقستاندىقتار موبيلدى ازاماتتار بازاسىنىڭ تىزىمىندە تىركەلگەن/تىركەلمەگەنىن egov.kz پورتالى ارقىلى تەكسەرە الادى.


:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات