ەلەكتروندى ساۋدا: قازاقستان كومپانيالارىنىڭ تابىسىن 1 تريلليون تەڭگەدەن اسىرۋعا مۇمكىندىك بار
بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى رۋسلان دالەنوۆ ايتتى، دەپ حابارلايدى قازاقپارات ءتىلشىسى.
«ينتەرنەت- ساۋدانىڭ تانىمالدىعى - ترانزيتتى دامىتۋ الەۋەتى. الداعى 5 جىلدا قىتايدان ەۋروپاعا جىبەرىلەتىن ينتەرنەت- سالەمدەمەلەر سانى 6 ەسەگە ارتىپ، 2025 -جىلعا قاراي 4 ميلليارد سالەمدەمەگە دەيىن جەتەدى. 2018 -جىلدىڭ قورىتىندىسى بويىنشا قىتايدان ەۋروپاعا 670 ميلليون سالەمدەمە تاسىمالداندى. ونىڭ ىشىندە قازاقستان ارقىلى ترانزيت كولەمى شامامەن 6 پايىزدى قۇرادى، بۇل - 39,2 ميلليون سالەمدەمە. قازاقستان قىتاي مەن ەۋروپا اراسىنداعى وتە ىڭعايلى گەوگرافيالىق جەردە ورنالاسقان»، - دەدى ر. دالەنوۆ.
ونىڭ ايتۋىنشا، بۇگىنگى تاڭدا قازاقستان اۋماعى ارقىلى ينتەرنەت- سالەمدەمەلەردىڭ قازىرگى كولەمىن قايتا جونەلتۋ ءۇشىن بارلىق ينفراقۇرىلىمدىق جانە راسىمدىك مۇمكىندىكتەر بار.
«باتىس ەۋروپا - باتىس قىتاي» كولىك ءدالىزىنىڭ ارقاسىندا وسى ترانزيت كولەمىن 2025 -جىلعا قاراي 864 ميلليون سالەمدەمەگە دەيىن ۇلعايتۋ جوسپارلانىپ وتىر. بۇل قازاقستاندىق كومپانيالاردىڭ تابىسىن 132 ميلليارد تەڭگەدەن 1 تريلليون 270 ميلليارد تەڭگەگە دەيىن جەتكىزۋگە مۇمكىندىك بەرەدى»، - دەدى مينيستر.
ر. دالەنوۆتىڭ سوزىنە قاراعاندا، ەلەكتروندىق كوممەرتسيانىڭ ءوسۋى ساۋداعا جانە بايلانىستى سالالاردى دامىتۋعا، سونىڭ ىشىندە ترانزيتكە اسەر ەتەدى. بۇل 2025 -جىلعا قاراي ج ءى ءو- ءنى جىل سايىن 1,1 پايىزدىق تارماققا ۇلعايتۋى مۇمكىن.
اۆتور: مارلان جيەمباي