+7 (701) 759 90 19
-22 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

جاستارعا ارنالعان 1 مىڭ پاتەر: ءۇش قالادا باسپانا بيىل بەرىلە باستايدى

24 ءساۋىر 18:51
:ءبولىسۋ
جاستارعا ارنالعان 1 مىڭ پاتەر: ءۇش قالادا باسپانا بيىل بەرىلە باستايدى

نۇر-سۇلتان. قازاقپارات - ەلباسى نۇرسۇلتان نازاربايەۆتىڭ استانا، الماتى جانە شىمكەنت قالالارىندا جاستار ءۇشىن جىلىنا 1 مىڭ پاتەر سالۋ تاپسىرماسىنا قاتىستى جىل سايىن 7,2 ميلليارد تەڭگە (ءۇش جىل بويى) بولىنەدى.

بۇل جايلى و ك ق- داعى باسپا ءسوز ءماسليحاتىندا ق ر يندۋستريا جانە ينفراقۇرىلىمدىق دامۋ مينيسترلىگى قۇرىلىس جانە تۇرعىن- ءۇي كوممۋنالدىق شارۋاشىلىعى ىستەرى كوميتەتىنىڭ ءتوراعاسى مارحابات جايىمبەتوۆ ءمالىم ەتتى، دەپ حابارلايدى قازاقپارات ءتىلشىسى.

«ەلباسى نۇرسۇلتان نازاربايەۆتىڭ تاپسىرماسى بويىنشا جىل سايىن مىڭ پاتەردەن ءۇش مىڭ پاتەر سالىناتىن بولادى. ناقتىراق ايتقاندا، نۇر-سۇلتان قالاسىندا 350 پاتەر، الماتىدا 350 پاتەر جانە شىمكەنت قالاسىندا 300 پاتەر سالىنادى. قازىر ءۇش جىلعا بيۋدجەت قابىلداندى. جىل سايىن 7,2 ميلليارد تەڭگە قارجى بولىنەدى. پاتەرلەردى جاستاردىڭ قاي ساناتىنا قالاي بولىنەتىنى جايلى ەرەجە مينيسترلىكتەردە پىسىقتالىپ جاتىر. ماسەلەن، 350 پاتەر سالىنعانىمەن، وعان 30 مىڭ ادام ءوتىنىم بەرۋى مۇمكىن. سوندىقتان، قارجى ءبولىندى، قۇرىلىس باستالادى. بيىل وسى پاتەرلەردى ساتىپ الۋعا دا مۇمكىنشىلىك بار»، - دەيدى مارحابات جايىمبەتوۆ.

ەسكە سالا كەتسەك، بىلتىر جاستار جىلىنىڭ اشىلۋىنا ارنالعان سالتاناتتى جيىندا ەلباسى نۇرسۇلتان نازاربايەۆ استانا، الماتى جانە شىمكەنت قالالارىندا جاستار ءۇشىن جىلىنا 1 مىڭ پاتەر سالىناتىنىن ءمالىم ەتكەن بولاتىن.

ال بىلتىر كۇزدە ۇكىمەتتىڭ كەڭەيتىلگەن وتىرىسىندا سول تۇستاعى يندۋستريا جانە ينفراقۇرىلىمدىق دامۋ ءمينيسترى جەڭىس قاسىمبەك (قازىر - پرەمەر-ءمينيستردىڭ ورىنباسارى) استانا، الماتى، شىمكەنت جۇمىسشى جاستارىنا 1 مىڭ پاتەر سالۋ مامىردا باستالاتىنىن حابارلاعان ەدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات