اۋستراليادا پارنيكتىك گازدارمەن كۇرەسۋ ءۇشىن 1 ميلليارد اعاش وتىرعىزىلادى

 استانا. قازاقپارات - اۋستراليادا الداعى 30 -جىلدا 1 ميلليارد اعاش وتىرعىزىلادى. بۇل كليمات جونىندەگى پاريج كەلىسىمىندەگى ماقساتتاردى ورىنداۋعا كومەكتەسەدى.

اۋقىمدى ناۋقاننىڭ باستالعانىن ەل پرەمەر- ءمينيسترى سكوتت مورريسون Twitter- دە حابارلادى.

ەكولوگتار مۇنداي ءىرى ناۋقان 2030 -جىلى 18 ميلليون توننا پارنيكتىك گازدان قۇتىلۋعا كومەكتەسەدى دەپ ۇمىتتەنىپ وتىر.

«ءبىزدىڭ ۇكىمەت جاڭا اكسيا تۋرالى جاريالادى. ونىڭ بارىسىندا توعىز وڭىرلىك ورمان ورتالىق- حابىن قۇرامىز. جاڭا اعاشتار وتىرعىزۋ جوسپارىن جۇزەگە اسىرۋ ءۇشىن 20 ميلليون [اۋستراليالىق] دوللار ($14,3 ميلليون) قوسىمشا قارجى قاراستىرىلعان» ، - دەلىنگەن حابارلامادا.

 بۇل جوبا تەك كوگالداندىرىپ قانا قويماي، جاڭا جۇمىس ورىندارىن اشۋعا مۇمكىندىك بەرەدى. قۇرلىقتاعى ورماندار كولەمىنىڭ ارتۋى پارنيكتىك گازداردىڭ جىلىنا%26-28 قىسقارۋىنا جول اشادى.