تۇركىستان وبلىسىندا جاۋعان قاردىڭ قالىڭدىعى 1 مەترگە دەيىن جەتتى

تۇركىستان. قازاقپارات - تۇركىستان وبلىسىندا قار قالىپ جاۋىپ، تولەبي اۋدانىندا اق ۇلپانىڭ قالىڭدىعى ءبىر مەترگە دەيىن جەتكەن، دەپ حابارلايدى قازاقپارات ءتىلشىسى.

  سينوپتيكتەردىڭ حابارلاۋىنشا، 20 - اقپان كۇنى ەڭ تومەنگى تەمپەراتۋرا سوزاق اۋدانىنا قاراستى تاستى ەلدى مەكەنىندە تىركەلگەن. مۇندا تەرمومەتر كورسەتكىشتەرى -10-15 گرادۋس ايازدى كورسەتكەن. ال، تولەبي اۋدانىنداعى شىلداق ستانساسىندا جاۋعان قاردىڭ قالىڭدىعى ءبىر مەترگە دەيىن جەتكەن. اۋدان ورتالىعى لەڭگىر قالاسىندا قاردىڭ ورتاشا قالىڭدىعى 15 س م، تاۋلى ايماقتارىندا 20 س م- گە تۇسكەن.

«تۇركىستان وبلىسىنداعى كەي اۋداندارىندا كۇندىز اۋا رايى -5 گرادۋسقا دەيىن سۋىتادى. تۇندە ايازدى بولىپ، تەرمومەتر كورسەتكىشتەرى -2-7 گرادۋسقا دەيىن تومەندەيدى. جالپى اقپاننىڭ 22-25 ارالىعىندا ىلعالدى اۋا رايى كۇتىلمەيدى. كەلەسى اپتادان باستاپ +10 +15 گرادۋسقا دەيىن جىلىتادى»، - دەيدى ينجەنەر- سينوپتيك اسەم نۇرلىبايەۆا.

اۆتور: اينۇر اقبايەۆا