قازاقستاندا 1 -قاڭتارداعى حالىق سانى جاريالاندى
بۇل وتكەن جىلدىڭ 1 -قاڭتارىمەن سالىستىرعاندا 238,6 مىڭ ادامعا كوپ نەمەسە 1,3 پايىزعا وسكەن، دەپ حابارلايدى قازاقپارات ق ر ۇلتتىق ەكونوميكا مينيسترلىگىنىڭ ستاتيستيكا اگەنتتىگىنە سىلتەمە جاساپ.
اتاپ ايتقاندا، ەسەپتىك كەزەڭدە قالا تۇرعىندارىنىڭ سانى 10 ميلليون 638,7 مىڭ ادام نەمەسە 57,8 پروتسەنت، ال اۋىل حالقىنىڭ سانى 7 ميلليون 757 مىڭ ادام نەمەسە 42,2 پروتسەنت بولدى.
2018 -جىلعى قاڭتار- جەلتوقسان ارالىعىندا رەسپۋبليكادا 1 جاسقا دەيىنگى 3156 نارەستە ءولىمى تىركەلدى. 2017 -جىلعى قاڭتار- جەلتوقسانىمەن سالىستىرعاندا 1 جاسقا دەيىنگى شەتىنەگەن نارەستە سانى 0,2 پايىزعا كوپ.
نارەستە ءولىم-ءجىتىمىنىڭ نەگىزگى سەبەبى - پەريناتالدىق كەزەڭدە پايدا بولاتىن جاعدايلار، 2018 -جىلعى قاڭتار- جەلتوقسان ارالىعىندا 1617 نارەستە قايتىس بولىپ، نارەستەلەر اراسىنداعى جالپى ءولىم سانىنىڭ 51,1 پايىزىن قۇرادى. تۋا بىتكەن اۋىتقۋلاردان 625 نەمەسە %19,8، تىنىس ورگاندارى اۋرۋلارىنان - 197 نەمەسە %6,2، جازاتايىم جاعدايدان، ۋلانۋدان جانە جاراقاتتان - 150 نەمەسە %4,8 نارەستە قايتىس بولدى.
2018 -جىلدىڭ قاڭتار- جەلتوقسان ايلارى ارالىعىندا ەلىمىزگە كوشىپ كەلگەندەر سانى 2017 -جىلعى كورسەتكىشتەن 20,5 پايىز ازايىپ، قونىس اۋدارعاندار سانى 11,1 پايىزدى قۇرادى. نەگىزگى ميگراتسيالىق كوشى-قون ت م د ەلدەرى بويىنشا ءوتىپ جاتىر. ت م د ەلدەرىنەن كەلگەن ادامدار ۇلەسى 78,9 پايىز، كوشىپ كەتكەندەر ۇلەسى - 90,1 پايىز بولدى.