+7 (701) 759 90 19 Лента
-1 °С : استانا
2 °С : الماتى
USD 377.62 EUR 426.03
RUB 5.67 CNY 55.78
جاڭالىقتار

اتىراۋ اكىمى تۇرعىنداردىڭ 1 مىڭعا جۋىق سۇراعىنا جاۋاپ بەرەدى

13 اقپان 09:28 299
:ءبولىسۋ
اتىراۋ اكىمى تۇرعىنداردىڭ 1 مىڭعا جۋىق سۇراعىنا جاۋاپ بەرەدى

اتىراۋ. قازاقپارات - اتىراۋ قالاسىنىڭ تۇرعىندارى ءبىر اي بويى قالا باسشىسىنا جازباشا تۇردە جانە الەۋمەتتىك جەلىلەر ارقىلى سۇراق قويۋ مۇمكىندىگىنە يە بولدى، دەپ حابارلايدى قازاقپارات قالالىق اكىمدىكتىڭ باسپا ءسوز قىزمەتىنە سىلتەمە جاساپ.

وبلىس ورتالىعى مەن ىرگەلەس ورنالاسقان ەلدىمەكەندەردىڭ تۇرعىندارى قويعان 1000 ساۋالدىڭ جۇزگە جۋىعى اليمۇحاممەد قۇتتۇمۇرات ۇلىنىڭ اتىنا جازباشا تۇردە تۇسكەن.

ايتا كەتەيىك، قالا اكىمىنىڭ ەسەپ بەرۋ كەزدەسۋىنەن ەكى اپتا بۇرىن قالاداعى قوعامدىق ورىنداردا - ساتپايەۆ، بايمۇحانوۆ كوشەلەرىندەگى ح ق ك و، اۆانگارد ىقشاماۋدانىنداعى جۇمىسپەن قامتۋ ورتالىعى، «سارايشىق» بازارىندا ارنايى حات سالاتىن جاشىكتەر ورناتىلدى.

«كەرى بايلانىس ءۇشىن تۇرعىندار تەلەفون ءنومىرى مەن مەكەنجايىن كورسەتۋلەرى ءتيىس بولدى. بارلىق سۇراقتار وڭدەلدى، ەڭ قىزىقتى ساۋالداردى قالا اكىمى حالىققا ەسەپ بەرۋ كەزدەسۋىندە اتاپ وتەدى»، - دەپ حابارلادى اتىراۋ قالالىق اكىمدىگىنىڭ باسپا ءسوز قىزمەتىنەن.

سونىمەن قاتار، 900-دەن استام ساۋالدى اليمۇحاممەد قۇتتۇمۇرات ۇلى الەۋمەتتىك جەلىلەردەگى پاراقشاسىندا قابىلداعان.

سۇراقتاردىڭ باسىم بولىگى جەكە ءۇي سالۋعا جەر تەلىمىن ءبولۋ، جول قۇرىلىسى، جاياۋ جۇرگىنشىلەر جولى، كوشەنىڭ جارىعى ماسەلەلەرىنە قاتىستى بولدى.

«اكىمگە سۇراق جولداعان تۇرعىندار ەسەپ بەرۋ كەزدەسۋىنەن كەيىن كوپ كەشىكپەي جاۋاپ الاتىن بولادى»، - دەپ ناقتىلادى اتىراۋ قالالىق اكىمدىگىنىڭ باسپا ءسوز قىزمەتى.

قالا اكىمى اليمۇحاممەد قۇتتۇمۇرات ۇلىنىڭ ەسەپ بەرۋ كەزدەسۋى 13 -اقپاندا ساعات 10:00 دە «قۇرمانعازى» مادەنيەت ۇيىندە وتەدى.

 


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
مۇراعات