كەدەن بەكەتتەرىندە 1- قاڭتاردان باستاپ وتەتىن قول جۇگىنىڭ سالماعى ەكى ەسەگە ازايماق

None
None
استانا. قازاقپارات - 2019-جىلدىڭ ءبىرىنشى قاڭتارىنان باستاپ، ەلدەگى كەدەن بەكەتتەرىنەن وتەتىن قول جۇگىنىڭ سالماعى ەكى ەسەگە قىسقاراتىن بولادى.

قازىرگى تاڭدا رۇقسات ەتىلگەن تاۋار سالماعى 50 كەلىنى قۇراسا، 1- قاڭتاردان باستاپ بۇل كورسەتكىش 25 كەلىگە دەيىن ازايتىلماق دەپ حابارلايدى «الماتى» ارناسى.

ساۋدانىڭ قىزىعىنا كىرگەن قالىڭ كوپشىلىك بۇگىندە العان تاۋارىن 50 كەلىدەن اسىرماۋ تالابىن ەلەمەي، شەكارا بەكەتىنىڭ بەرەكەسىن كەتىرۋدە. زاڭ بۇزۋشىلاردىڭ باسىم بولىگى سالىقسىز تاۋار الىپ شىعۋعا جالدانعان جەرگىلىكتى دەلدالدار بولىپ شىققان.

كەدەنشىلەر تاۋار تاركىلەۋ، حاتتاما تولتىرۋ سىندى قاتال شارالاردى قولعا العاندىقتان، جالدامالى ادامداردىڭ سانى ءسال بولسا دا ازايعانىن ايتادى.

«ادامدار ءتۇرلى الداۋعا بارادى. ماسەلەن، تاۋار سىرتىن كورپە-جاستىقپەن وراپ تاستايدى. اشىپ قاراساڭ ىشىندە كوپ نارسە تىعىلىپ جاتادى. قازىرگى ۋاقىتتا بەكەتتەن وتەتىن تاۋاردىڭ سالماعى 50 كەلىدەن اسپاۋ كەرەك. ونىڭ كەدەندىك قۇنى 1,5 ەۋرونى قۇرايدى.

ەندى ەۋرازيالىق ەكونوميكالىق كوميسسيانىڭ قابىلداعان شەشىمى اياسىندا بۇل كورسەتكىشتەر ەكى ەسەگە وزگەرتىلمەك. 2019-جىلدىڭ 1- قاڭتارىنان باستاپ الىپ وتەتىن تاۋار سالماعى 25 كەلى، كەدەندىك قۇنىن 500 دوللارعا ازايادى»، - دەيدى «التىنكول» كەدەن بەكەتىنىڭ باس مامانى بەكەن نۇراحمەتوۆ.

بەكەتتەگى باقىلاۋشىلار تاۋار سالماعى تاعى دا تومەندەيتىندىكتەن، كەدەندىك كىرىستىڭ كولەمى كوبەيۋى مۇمكىن ەكەنىن ايتادى.

سوڭعى جاڭالىقتار