قازاقستاندا 1- قاڭتاردان باستاپ ايەلدەردىڭ زەينەتكە شىعۋ جاسى ۇلعايادى

None
None
استانا. قازاقپارات - جاڭا جىلدان باستاپ قازاقستاندىق ايەلدەردىڭ زەينەتتىك جاسى ۇزارتىلاتىن بولادى دەپ جازادى NUR. KZ.

ەلىمىزدە ايەلدەردىڭ زەينەتكە شىعۋ جاسىن كەزەڭ-كەزەڭمەن ۇلعايتۋ تۋرالى زاڭ بىرنەشە جىل بۇرىن ءوز كۇشىنە ەنگەن. بۇل وزگەرىستەر 1960 پەن 1964-جىلدار ارالىعىندا تۋىلعان قازاقستان ازاماتشالارىنا ارنالعان.

زەينەت جاسىن جارتى جىلعا ۇزارتۋ العاش رەت 2018-جىلدىڭ 1- قاڭتارىندا ىسكە استى. قازىرگى تاڭدا، ايەلدەردىڭ زەينەتكە شىعۋ جاسى 58,5 بولىپ تۇر.

كەلەسى جىلدان باستاپ، بۇل كورسەتكىش 59 جاسقا دەيىن ۇلعايتىلماق. زەينەتكە شىعۋ جاسىن ۇزارتۋدىڭ ەكىنشى كەزەڭى 2019-جىلدىڭ 1- قاڭتارىنا جوسپارلانىپ وتىر.

قازاقستان ازاماتشالارىنىڭ زەينەتكە شىعۋ جاسى الداعى توعىز جىلدا جىل سايىن التى ايعا ۇزارتىلىپ وتىرادى.

2027-جىلى ايەلدەر قاۋىمى تەك 63 جاسىندا زەينەتكەر اتانباق.

وعان قوسا، ازاماتشالار قاجەتتى سومانى جيناعان جاعدايدا 50 جاسىندا زەينەتكە شىعۋ مۇمكىندىگىنە يە بولماق.

2018-جىلى جينالۋعا ءتيىستى سومانىڭ كورسەتكىشى 13,5 ميلليون تەڭگەنى قۇرايتىن بولادى.

الايدا كەيبىر ايەلدەر زەينەتكە ەرتەرەك تە شىعا الادى. زاڭعا سايكەس، بۇل مۇمكىندىككە ەكولوگيالىق تۇرعىسىنان قاۋىپتى اۋماقتا تۇرعان ايەلدەر مەن بەس جانە ودان ارتىق بالانى تۋىپ، نە اسىراپ العان ايەلدەر (ولاردى سەگىز جاسقا دەيىن تاربيەلەگەنى شارت) يە بولماق. بۇل تىزىمگە جاتاتىن ازاماتشالار 53 جاسىندا زەينەتكەر بولا الادى.

 

سوڭعى جاڭالىقتار