شىمكەنتتىڭ اكىمى ازيادادان التىن اكەلگەن سپورتشىلارعا 1 ميلليون تەڭگەدەن سىياقى بەردى
ءابدىراحىموۆ XVIII جازعى ازيا ويىندارىنان جۇلدەمەن ورالعان سپورتشىلاردى قابىلداپ، ەل نامىسىن ابىرويمەن قورعاپ كەلگەن ساڭلاقتارعا العىسىن ءبىلدىردى. تەك قۇتتىقتاپ قانا قويماي، قارجىلاي سىيلىق تارتۋ ەتتى.
ءدۇبىرلى دودادا وق بويى وزىپ شىققان ءاربىر سپورتشى مەن ونىڭ باپكەرىنە ميلليون تەڭگەدەن تابىس ەتىلسە، 2-3-ورىن يەگەرلەرى مەن جاتتىقتىرۋشىلارىنا 500 مىڭ مەن 300 مىڭ تەڭگەدەن بەرىلدى.
ايتا كەتەيىك، وسى جىلدىڭ 18- تامىزى مەن 2- قىركۇيەگى ارالىعىندا يندونەزيانىڭ دجاكارتا جانە پالەمبانگ قالالارىندا XVIII جازعى ازيا ويىندارى ءوتتى.
اتالعان ويىندا 36 شىمكەنتتىك سپورتشى باعىن سىناپ، ونىڭ 14 ءى جۇلدەلى ورىن الدى. ەرەكشە اتاپ وتەرلىگى، سپورتتىڭ كوركەم گيمناستيكا تۇرىنەن شىمكەنتتىك قىزدار كوماندالىق ەسەپتە ءبىرىنشى ورىنعا يە بولسا، جەكەلەي جارىستا ءالينا اديلحانوۆا التىن مەدالدى ەل قورجىنىنا سالدى.
جاس سپورتشىلاردىڭ بۇل جەڭىسى قازاقستاندىق جانكۇيەرلەر ءۇشىن كوپتەن كۇتكەن جۇلدە بولدى.