قازاقستاندىق جاس دزيۋدوشىلار ازيا چەمپيوناتىندا 1-ورىن الدى

None
None
استانا. قازاقپارات - بەيرۋتتا (ليۆان) كادەتتەر اراسىندا وتكەن دزيۋدودان ازيا چەمپيوناتىندا وتانداستارىمىز 6 التىن مەدال جەڭىپ الدى، دەپ حابارلايدى قازاقپارات ءتىلشىسى.

ق ر دزيۋدو فەدەراتسياسىنىڭ باسپا ءسوز قىزمەتىنىڭ حابارلاۋىنشا، قۇرلىقتىق چەمپيوناتتىڭ سوڭعى كۇنىندە قازاقستاندىق جاس تاتامي شەبەرلەرى قورجىنعا 4 التىن، 3 كۇمىس جانە 1 قولا جۇلدە سالىپ، مەدال سانى بويىنشا جالپى كوماندالىق ەسەپتە 1-ورىنعا شىقتى.

ەكى كۇننىڭ قورىتىندىسى بويىنشا قازاقستان جاس وسپىرىمدەر قۇراما كومانداسى 6 التىن، 5 كۇمىس جانە 4 قولا مەدالمەن جارىستى اياقتادى.

وسىعان دەيىن جارىستىڭ ءبىرىنشى كۇنى 2 التىن، 2 كۇمىس، 3 قولا مەدال جەڭىپ العانى تۋرالى جازعان بولاتىنبىز.

جارىستىڭ سوڭعى كۇنى جۇلدە العان وتانداستارىمىز:

التىن - ءسادۋاقاس بەكارىس (90 كەلى)

التىن - مۇحامبەت زۇلحارنايەۆ (90+ كەلى)

التىن - كريستينا سوتنيكوۆا (63 كەلى)

التىن - مارگاريتا گريتسەنكو (70 كەلى)

كۇمىس - حانيفا تۋگۋشيەۆا (57 كەلى)

كۇمىس - مادينا پاراگۋلگوۆا (70+ كەلى)

كۇمىس - ايان بايعازى (81 كەلى)

قولا - شىرىن قادىرسىز (57 كەلى)

اۆتور: كۇنسۇلتان وتارباي

سوڭعى جاڭالىقتار