10:42, 28 - ناۋرىز 2016 | GMT +6
مەيرامبەك بەسبايەۆ ۇلىنىڭ 1 جاسقا تولعانىن دۇركىرەتىپ اتاپ ءوتتى - فوتو
استانا. قازاقپارات - ءانشى مەيرامبەك بەسبايەۆتىڭ ۇلى ءابۋحايىر 1 جاسقا تولدى. وسىعان وراي، ول ونەر جۇلدىزدارى مەن دوستارىنىڭ باسىن قوسىپ، توي جاسادى.
وسىدان ءبىر جىل بۇرىن ءانشىنىڭ جارى مارحابات شەكەسى تورسىقتاي ۇلدى دۇنيەگە اكەلگەن بولاتىن. ال تانىمال ونەر يەسىنىڭ تۇڭعىشى كاۋسار مەكتەپتە وقىپ ءجۇر.
بەسبايەۆتار اۋلەتىندەگى تويعا قازاق ونەرى مەن ەستراداسىنداعى تانىمال تۇلعالار تۇگەل جينالدى. قۇرمەتتى قوناقتار اراسىندا ءاسانالى ءاشىموۆ، مىرزاتاي جولداسبەكوۆ، التىنبەك قورازبايەۆ، قالقامان ساريندەر دە بار.
ءسابيدىڭ تۇساۋىن التىنبەك قورازبايەۆ كەسسە، ءبۇلدىرشىندى جەتەكتەپ ءجۇرۋ قۇرمەتىنە مەيرامبەكتىڭ جاقىن دوستارى ساكەن مايعازيەۆ پەن توقتار سەرىكوۆ يە بولدى.
ءابۋحايىردىڭ تۇساۋكەسەر تويىن ەلىمىزدەگى ەڭ قىمبات اسابالاردىڭ ءبىرى شىنبەرگەن سۇلەيمەنوۆ جۇرگىزگەن.
Nur.kz