جەتى جىل بويى قاعازدا بار، ومىردە جوق 19 ادامنىڭ ايلىعىن الىپ وتىرعان ەمحانانىڭ باس دارىگەرى سوتتالدى

الماتى. قازاقپارات - مەدەۋ اۋدانىنىڭ 2№ سوتىندا اسا ءىرى مولشەردە اقشا جىمقىردى دەپ ايىپتالعان ەمحانا قىزمەتكەرلەرىنە قاتىستى قىلمىستىق ءىس قارالدى، دەپ حابارلايدى قازاقپارات ءتىلشىسى.

سوت پروتسەسىندە انىقتالعانداي، 2015-2022-جىلدار ارالىعىندا ەمحانانىڭ باس دارىگەرى ك. مەملەكەتتىك فۋنكتسيالاردى ورىنداۋعا ۋاكىلەتتى تۇلعا بولا وتىرىپ، باس بۋحگالتەر ن. جانە كادرلار ءبولىمىنىڭ ينسپەكتورى س- مەن الدىن الا قىلمىستىق كەلىسىم ورناتىپ، ءىس جۇزىندە جۇمىس ىستەمەيتىن 19 ادامدى قىزمەتكە الۋ تۋرالى بۇيرىق شىعارۋعا باسشىلىق ەتكەن.

رەسمي تۇردە راسىمدەلگەن قىزمەتكەرلەردىڭ شوتىنا اي سايىن ەڭبەكاقىنى ەسەپتەپ، اۋدارىپ وتىرعان، كەيىننەن ونى ءوز قاجەتىنە جۇمساعان.

سوتتالۋشى ك، س، ن. زاڭعا قايشى ارەكەتتەرى ارقىلى مەملەكەتكە 79 ميلليون تەڭگەدەن استام شىعىن كەلتىردى.

«ەكەۋى 7 جىل مەرزىمگە شارتتى تۇردە باس بوستاندىعىنان ايىرىلدى، س- عا 5 جىل ماتەريالدى جاۋاپتى لاۋازىمداردى اتقارۋ قۇقىعىنان ايىرۋ تۇرىندە قوسىمشا جازا تاعايىندالدى، ال ن. 5 جىل بۋحگالتەرلىك قىزمەتپەن اينالىسا المايدى»، - دەپ حابارلادى قالالىق سوتتان.

باس دارىگەر ك. 7 جىل مەرزىمگە باس بوستاندىعىنان ايىرىلدى. ول جازاسىن قاۋىپسىزدىگى ورتاشا مەكەمەدە وتەيدى، سونداي-اق مەملەكەتتىك قىزمەت اتقارۋ قۇقىعىنان ءومىر بويىنا ايىرىلدى.

سوت ۇكىمى زاڭدى كۇشىنە ەنگەن جوق.