كاليفورنيادا ءۇش رەت اتىس بولىپ، 19 ادام قازا تاپتى

ۆاشينگتون. قازاقپارات – ا ق ش-تىڭ كاليفورنيا شتاتىندا 44 ساعات ىشىندە ءۇش جاپپاي اتىس بولىپ، سالدارىنان 19 ادام قازا تاپتى، دەپ حابارلايدى قازاقپارات ءتىلشىسى CNN-گە سىلتەمە جاساپ.

ءبىرىنشى وقيعا لوس- اندجەلەس ماڭىنداعى مونتەرەي ساياباعى ماڭىندا ورىن العان. وندا 20 ادام قازا تاپتى، ولاردىڭ 11 ى سەنبى كۇنى جاڭا جىل مەرەكەسىن تويلاۋ كەزىندە مەرت بولعان. قاسكۇنەم بي زالىندا جۇرگەن ادامدارعا تاپانشادان 42 رەت وق اتقان.

بيلىك وسى وقيعانى تەرگەۋ جۇمىستارىن اياقتاماي تۇرىپ، دۇيسەنبى كۇنى تۇستەن كەيىن كاليفورنيانىڭ سولتۇستىگىندەگى حالف مۋن بەي اۋىلىندا تاعى جەتى ادام اتىپ ءولتىرىلدى. قازا بولعاندار - فەرمانىڭ جۇمىسشى يمميگرانتتارى.

ءدال وسى كۇنى بەي شىعاناعى ايماعىنداعى وكلەند قالاسىندا 50 گە جۋىق ادام بولعان مۋزىكالىق بەينەروليكتىڭ ءتۇسىرىلىمى كەزىندە اتىس بولدى. بىرنەشە قارۋلى قاسكوي ادامدارعا ءارتۇرلى باعىتتان وق جاۋدىردى. وقيعا سالدارىنان سەگىز ادام زارداپ شەكتى، ولاردىڭ بىرەۋى قايتىس بولدى، قالعاندارى اۋرۋحاناعا جەتكىزىلدى.

2023 -جىلدىڭ العاشقى اپتالارى امەريكادا قاندى وقيعاعا تولى بولدى.

قاڭتار ايىندا بۇكىل ەل بويىنشا 40 جاپپاي اتىس ورىن العان، وندا 70 تەن استام ادام قازا تاۋىپ، 160 ى جاراقات الدى.