ەلوردا اۋەجايىندا اۋا رايىنا بايلانىستى 19 رەيس كەشىگىپ جاتىر

None
استانا. قازاقپارات - ەلوردانىڭ نۇرسۇلتان نازاربايەۆ حالىقارالىق اۋەجايى شتاتتىق رەجيمدە جۇمىس ىستەپ تۇر، دەگەنمەن، كەيبىر رەيستەر كەشىگىپ جاتىر.

بۇل تۋرالى قازاقپارات اۋەجايدىڭ باسپا ءسوز قىزمەتىنە سىلتەمە جاساپ حابارلايدى.

قازىرگى كەزدە ۇشىپ كەلۋى ءتيىس 13 رەيس، ۇشىپ كەتەتىن - 6 رەيس كەشىگىپ جاتىر.

رەيستەردىڭ كەشىگۋىنە اۋا رايى جاعدايى مەن وسىعان بايلانىستى اۋە كەمەلەرىنىڭ كەش ۇشۋى سەبەپ بولعان.

اۋەجايدا، سونىڭ ىشىندە ۇشىپ-قونۋ جولاعىندا قار تازالاۋ جۇمىسى ۇزدىكسىز ءجۇرىپ جاتىر.

جولاۋشىلار سوڭعى اقپاراتتى call-ورتالىقتاردان، سونداي-اق انىقتاما بولىمدەرىنەن الا الادى.

ەسكە سالا كەتسەك، بۇعان دەيىن جەلتوقسان ايىندا دا ەلوردا اۋەجايىندا قولايسىز اۋا رايىنان ۇشاقتار كەشىككەن ەدى.

كەشە استانا اكىمدىگى 35 گرادۋس اياز بولاتىنىن ەسكەرتىپ، تۇرعىنداردى اباي بولۋعا شاقىردى.


سوڭعى جاڭالىقتار