ءبىلىم ورتالىعىندا جارىلىس بولىپ، 19 ادام قازا تاپتى
كابۋلداعى ءبىلىم ورتالىعىندا جانكەشتى جاساعان جارىلىستان كەم دەگەندە 19 ادام قازا تاپتى، ولاردىڭ كوپشىلىگى جاس ايەلدەر.
جارىلىس اۋعانستان استاناسىنىڭ داشتە بارچي اۋدانىنداعى «ك ا ا ج» ءبىلىم بەرۋ ورتالىعىندا بولدى.
كابۋل پوليتسياسىنىڭ وكىلى حاليد زادران ءبىرىنشى جارىلىس بولعان كەزدە ستۋدەنتتەر جۇما كۇنى تاڭەرتەڭ جەرگىلىكتى ۋاقىت بويىنشا تاڭعى ساعات 7:30 دا ۋنيۆەرسيتەتكە ءتۇسۋ ەمتيحاندارىن تاپسىرىپ جاتقانىن ايتتى. پوليتسيانىڭ حابارلاۋىنشا، كەمىندە 19 ادام قازا تاۋىپ، 27 ادام جارالانعان.
تاليبان ىشكى ىستەر مينيسترلىگىنىڭ وكىلى ابدۋل نافي تاكور وقيعا ورنىندا قاۋىپسىزدىك توپتارى جۇمىس ىستەپ جاتقانىن ايتتى.
شابۋىل ءۇشىن جاۋاپكەرشىلىكتى كىم ءوز موينىنا العانى جايلى مالىمەت جوق.
سوڭعى اپتالاردا كابۋلدا بىرنەشە لاڭكەستىك ارەكەت ونداعان ادامنىڭ ءومىرىن قيدى.