+7 (701) 759 90 19
USD 426.32 EUR 496.24
RUB 6.04 CNY 66.74
جاڭالىقتار

نۇر- سۇلتاندا جوعالعان 19 جاستاعى قىز ءولى تابىلدى

22 قىركۇيەك 18:25
:ءبولىسۋ
نۇر- سۇلتاندا جوعالعان 19 جاستاعى قىز ءولى تابىلدى

نۇر- سۇلتان. قازاقپارات - ەلوردادا جوعالىپ كەتكەن 19 جاستاعى قىز ءولى تابىلدى. بۇل تۋرالى نۇر- سۇلتان پوليتسيا باسقارماسى ءمالىم ەتتى، دەپ حابارلايدى Tengrinews.kz.

بويجەتكەن 19 - قىركۇيەكتە ساعات 11:00 شاماسىندا ۇيىنەن شىعىپ، ورالماعان. جوعالعان قىزدىڭ اناسى پوليتسياعا ارىز تۇسىرگەن.

«نۇر- سۇلتان پوليتسيا ءبولىمىنىڭ جەكە قۇرامى، قوسىمشا كۇشتەر، ۇلتتىق ۇلاننىڭ جەكە قۇرامى، ەرىكتىلەر مەن جۇرتشىلىق جوعالعان ادامدى ىزدەۋگە جۇمىلدى. قىزدى سوڭعى رەت بارايەۆ كوشەسى جاعىنان كوپىردەن كورگەن. ىزدەستىرۋ جۇمىستارىنا سۇڭگۋىرلەر توبىن تارتۋ تۋرالى ۇيعارىلدى»، - دەپ ءتۇسىندىردى ءتارتىپ ساقشىلارى.

22- قىركۇيەكتە ساعات 11:20-دا پوليتسيا قىزمەتكەرلەرى مەن ت ج م جەدەل قۇتقارۋ جاساعى ەسىل وزەنىنەن قىزدىڭ ءمايىتىن تاپتى.

«بۇل فاكت بويىنشا قىلمىستىق ءىس قوزعالدى، سوت- مەديتسينالىق ساراپتاما تاعايىندالدى. وقيعانىڭ بارلىق ءمان- جايى انىقتالىپ جاتىر»، - دەپ تولىقتىردى پوليتسيا وكىلى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات