جاڭا قاۋلى: شىعىس قازاقستاندا كارانتيندىك شەكتەۋلەر 19 ماۋسىمعا دەيىن ۇزارتىلدى

نۇر-سۇلتان. قازاقپارات - شىعىس قازاقستان وبلىسىنىڭ باس سانيتارلىق دارىگەرىنىڭ جاڭا قاۋلىسى شىقتى، دەپ حابارلايدى قازاقپارات.

قاۋلىدا شىعىس قازاقستان وبلىسىنىڭ بارلىق اۋماعىندا 2021-جىلعى 6- ماۋسىمنان باستاپ 19 ماۋسىمعا دەيىن شارۋاشىلىقپەن جانە وزگە دە قىزمەتپەن بايلانىستى شەكتەۋ شارالارى ۇزارتىلاتىنى ايتىلعان.

«بالالارعا ارنالعان ارنايى جانە مامانداندىرىلعان ۇيىمداردىڭ، ءبىلىم بەرۋ قاجەتتىلىكتەرى ەرەكشە بالالارعا ارنالعان ارنايى مەكتەپ-ينتەرناتتاردىڭ، جالپى ۇلگىدەگى جانە دارىندى بالالارعا ارنالعان مەكتەپ-ينتەرناتتاردىڭ، سابيلەر ۇيلەرىنىڭ، بالالار ۇيلەرىنىڭ، جارتىلاي ستاتسيونارلىق ۇلگىدەگى ارنايى الەۋمەتتىك قىزمەتتەر كورسەتەتىن بالالار ورتالىقتارىنىڭ، سونداي-اق بەلگىلى ءبىر تۇرعىلىقتى جەرى جوق ادامداردى قايتا الەۋمەتتەندىرۋ جانە بەيىمدەۋ ورتالىقتارىنىڭ قىزمەتىنە سانيتاريالىق- دەزينفەكتسيالىق رەجيمدى كۇشەيتە وتىرىپ رۇقسات ەتىلسىن»، - دەپ جازىلعان قۇجاتتا.

شەكتەۋ ءىس-شارالارىنىڭ رەجيمى مەن مەرزىمدەرى وبلىس اۋماعىندا كورسەتىلگەن مەرزىمنىڭ ىشىندە ينفەكسيانىڭ تارالۋ احۋالى وزگەرىپ جاتسا، قايتا قارالۋى مۇمكىن ەكەنى ايتىلعان.