ەلوردادا 19 ايىپپۇلى بار جۇرگىزۋشى ۇستالدى
نۇر-سۇلتان قالالىق پوليتسيا دەپارتامەتىنىڭ مالىمەتىنشە، ەلوردا اۋماعىندا جول- كولىك وقيعالارىن تومەندەتۋ، جول ءجۇرىسى ەرەجەسى بۇزىلۋىنىڭ الدىن الۋ ماقساتىندا ءىس- شارالار جۇرگىزىلىپ جاتىر. اتالعان ءىس- شارا اياسىندا پاتۋرلدىك پوليتسيانىڭ مامانداندىرىلعان باتالونى قىزمەتكەرلەرى جول ءجۇرىسى ەرەجەسىن 19 رەت بۇزعانى ءۇشىن سالىنعان شامامەن 500 مىڭ تەڭگە ايىپپۇلى بار رەسەيلىك ءنومىرلى «ۆاز» ماركالى كولىكتى توقتاتقان.
«كولىكتى توقتاتقاننان كەيىن 30 جاستاعى جۇرگىزۋشىدە اۆتوموبيلدىڭ مىندەتتى ساقتاندىرۋى جوق ەكەندىگى انىقتالدى. ازاماتتىڭ ۇستىنەن ق ر اكىمشىلىك قۇقىق بۇزۋشىلىق تۋرالى كودەستىڭ 230-بابىمەن اكىمشىلىك ءىس قوزعالىپ، ايىپپۇل سالدى. سونىمەن قاتار اكىمشىلىك قۇقىق بۇزۋشىلىقتار بويىنشا بەرەشەگى بار ەكەندىگى تۋرالى 19 ەسكەرتۋ جازىپ بەرىلدى. اۆتوموبيل كوممۋنالدىق تۇراققا قويىلدى»، - دەدى دەپارتامەنتتەن.
وسى رەتتە نۇر-سۇلتان قالالىق پوليتسيا دەپارتامەنتى جۇرگىزۋشىلەرگە قازاقستان رەسپۋبليكاسىنىڭ مىندەتتى ساقتاندىرۋ تۋرالى زاڭناماسىن بۇزعانى ءۇشىن جاۋاپكەرشىلىك بار ەكەندىگىن ەسكەرتەدى. كولىگىن مىندەتتى ساقتاندىرۋدان وتكىزبەگەندەرگە 10 نان 160 ا ە ك- كە دەيىن ايىپپۇل سالىنادى.