19-قاڭتار. قازاقپارات كۇنتىزبەسى
ەستە قالار وقيعالار
1940 -جىلى قازاق مەملەكەتتىك شەت تىلدەر مۇعالىمدەرى ينستيتۋتىنىڭ نەگىزى قالاندى (قازىرگى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتى) . بۇگىنگى تاڭدا ۋنيۆەرسيتەت قازاقستان جانە شەتەل مەملەكەتتەرىندە بەدەلدى وقۋ- عىلىمي كەشەندەرىنىڭ ءبىرى بولىپ سانالادى.
1992 -جىلى الماتىدا قازاقستان رەسپۋبليكاسى مەن ۇلىبريتانيا جانە سولتۇستىك يرلانديا بىرىككەن كورولدىگى اراسىندا ديپلوماتيالىق قارىم- قاتىناس ورناتۋ تۋرالى بىرلەسكەن مالىمدەمەگە قول قويىلدى.
1993 -جىلى قازاقستان رەسپۋبليكاسىنىڭ «جالپىعا بىردەي اسكەري مىندەتتىلىك جانە اسكەري قىزمەت تۋرالى» زاڭى قابىلداندى.
2009 -جىلى قازاقستان رەسپۋبليكاسى ۇلتتىق بانكىنىڭ اتىراۋ فيليالى شەكتەۋلى تارالىممەن شىعارىلعان 28 كۇمىس كادەسىي- ەستەلىك مونەتالاردى اتىراۋ مۇراجايىنا تاپسىردى.
2010 -جىلى مەملەكەتتىك ءتىلدى دامىتۋ پرەزيدەنتتىك قورىنىڭ باستاماسىمەن جانە قولداۋىمەن قازاق ءتىلى مەن ادەبيەتى مۇعالىمدەرىنىڭ قاۋىمداستىعى قۇرىلدى. قاۋىمداستىقتىڭ نەگىزگى ماقساتى - ورىس ءتىلدى مەكتەپتەر مەن مەكتەپكە دەيىنگى مەكەمەلەردە قازاق ءتىلىن وقىتۋدا يننوۆاتسيالىق شەشىمدەردى ىزدەستىرۋ جانە جاساۋ، قازاق داستۇرلەرىن كوپشىلىككە تاراتۋ، بالالاردىڭ بويىنداعى ءوز ەلىنە دەگەن پاتريوتتىق جانە ماقتانىش سەزىمدەرىن دامىتۋ.
2010 -جىلى «قازاقمىس» لوندون قور بيرجاسى الىپتارى اراسىندا ءبىرىنشى ورىندى يەلەندى. قازاقستاندىق كومپانيا ءۇشىن بۇل - ۇلكەن تابىس. ول ونىڭ مەنەدجمەنتىنىڭ كاسىبيلىگىن، ىسكە اسىرىلاتىن جوبالاردىڭ پەرسپەكتيۆالىعىن جانە ارىپتەستىك بايلانىستاردىڭ ءارالۋاندىعىن قۋاتتايدى.
2010 -جىلى قازاقستاندىق عالىمدار «جاساندى تەرى» - زاقىم كەلگەن تەرىنى قالپىنا كەلتىرۋ ءۇشىن جاسۋشا ترانسپلانتانتتارىن الۋدىڭ ءتاسىلىن جاساپ شىعاردى. ەڭ العاش رەت كۇيىكتەر مەن جارالاردى ەمدەۋ ءۇشىن ادامنىڭ تەرىسىنەن جاسۋشا الىندى. بۇل ءادىس بۇكىلالەمدىك دەنساۋلىق ساقتاۋ ۇيىمىنىڭ تالاپتارىنا ساي كەلىپ، ۇلتتىق عىلىمي- مەديتسينالىق ورتالىقتا كلينيكاعا دەيىنگى تەكسەرىستەن ءوتتى.
2011 -جىلى ق ر پرەزيدەنتى «نازاربايەۆ ۋنيۆەرسيتەتى» ، «نازاربايەۆ زياتكەرلىك مەكتەبى» مەن «نازاربايەۆ قورىنىڭ» مارتەبەسى تۋرالى» ق ر زاڭىنا قول قويدى.
2011 -جىلى قازاقستاندىق الپينيستەر ك س ر و- عا ەڭبەگى سىڭگەن باپكەر ەرۆاند يلينسكييدىڭ باسشىلىعىمەن حان ءتاڭىرى شىڭىنىڭ باسىنا Ⅶقىسقى ازيا ويىندارىنىڭ جالاۋىن تىكتى. Ⅶ قىسقى ازيادا 2011 -جىلدىڭ قاڭتار- اقپان ايلارىندا استانا جانە الماتى قالالارىندا ءوتتى.
2012 -جىلى نيۋ- يوركتە ب ۇ ۇ شتاب- پاتەرىندە سايلاۋ ناتيجەسىندە قازاقستاندىق مارات سارسەنبايەۆ بۇۇ ادام قۇقىعى كوميتەتىنىڭ قۇرامىنا كىردى.
2015 -جىلى سەۋلدەن استاناعا ارۆ چەمپيوندىق تيتۋلى جەتكىزىلدى. بەلدىك قارا تەرىدەن جاسالعان. قاق ورتاسىندا التىنداتقان كوپبۇرىشقا جازىلعان «APB champion» جازۋى، AIBA ءتۇستى لوگوتيپى بار. ونىڭ وڭ جانە سول جاعىندا شاعىنداۋ «APB» ، «AIBA Pro Boxing» ، «60 kg» جازۋلارى بار. بەلدىكتىڭ سالماعى 2 كيلوگرامم 680 گرامم. 60 كيلوگرامعا دەيىنگى سالماقتا.
2017 -جىلى قوستاناي ىزدەۋ ەكسپەديتسياسىنىڭ قىزمەتكەرلەرى قارابالىق اۋدانىندا ءىرى ماگنەتيتتىك كەن ورنىن تاپتى. كەننىڭ بولجامدى كولەمى 30 ميلليون توننانى قۇرايدى.
2017 -جىلى ەۋرازيالىق ەكونوميكالىق كوميسسيانىڭ (ە ە ك) تەحنيكالىق رەتتەۋ جانە اككرەديتاتسيا دەپارتامەنتىنىڭ ديرەكتورى ارمان شاققاليەۆ امەريكانىڭ ماتەريالداردى سىناقتان وتكىزۋ قوعامداستىعىنىڭ (ASTM International) ديرەكتورلار كەڭەسىنىڭ قۇرامىنا ەندى. ASTM International (American Society for Testing and Materials) - ماتەريالدار، ونىمدەر، جۇيەلەر مەن قىزمەتتەرگە ارناپ ستاندارتتار شىعاراتىن ا ق ش- تىڭ ەرىكتى حالىقارالىق ۇيىمى. ASTM ديرەكتورلار كەڭەسى ا ق ش- تىڭ وزگە مەملەكەتتەرىندە قىزمەت ەتەتىن 25 كومپانيا، قاۋىمداستىق پەن مەملەكەتتىك ورگان باسشىلارىنان قۇرالادى.