ب ق و-دا 19 جاستاعى قىز جاڭا تۋعان ءسابيىن پاكەتكە سالىپ، اجەتحاناعا لاقتىرعان

None
None
ورال. قازاقپارات - باتىس قازاقستان وبلىسىندا جاس قىز جاڭا تۋعان ءسابيىن اجەتحاناعا سالىپ جىبەرگەن، دەپ حابارلايدى قازاقپارات ءتىلشىسى.

وقيعا 23-قاراشا كۇنى قازتالوۆ اۋدانى جاڭاجول اۋىلىندا بولدى. اۋىل تۇرعىندارىنىڭ سوزىنە قاراعاندا، وسىندا تۇراتىن 19 جاستاعى قىز بوسانعاننان كەيىن شاقالاقتى پاكەتكە سالىپ، دارەتحاناعا لاقتىرعان. قازىر ءوزى اۋرۋحانادا جاتىر. كوللەدجدە قاشىقتان وقىپ جاتقان قىز تولىق وتباسىندا تاربيەلەنگەن. ءۇش بالانىڭ ۇلكەنى. قازتالوۆ اۋداندىق پوليتسيا ءبولىمىنىڭ باستىعى ءازىلحان قايىرحانوۆ وقيعانى راستادى. سوت-مەديتسينالىق ساراپتاما تاعايىندالعان. قازىرگى كەزدە ق ر ق ك 100-بابىنا سايكەس سوتقا دەيىنگى تەرگەۋ امالدارى جۇرگىزىلۋدە.

اۆتور: ەلجان ەرالى

سوڭعى جاڭالىقتار