+7 (701) 759 90 19
8 °С : نۇر-سۇلتان
19 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقپارات كۇنتىزبەسى: 19- قىركۇيەك

19 قىركۇيەك 10:18
:ءبولىسۋ
قازاقپارات كۇنتىزبەسى: 19- قىركۇيەك

نۇر-سۇلتان. قازاقپارات - قازاقپارات وقىرماندارىنا 2020-جىلعى 19- قىركۇيەككە ارنالعان كۇنتىزبەسىن ۇسىنادى.

باعدارلامالىق جاساقتاما بوستاندىعى كۇنى

Digital Freedom Foundation (DFF) كوممەرتسيالىق ەمەس ۇيىمى نەگىزىن قالاعان ماڭىزدى مەرەكە بۇكىل الەمدە قىركۇيەكتىڭ ءۇشىنشى سەنبىسىندە اتاپ وتىلەدى.

باستاپقىدا 28- تامىزدا اتاپ ءوتىلىپ، كەيىننەن 2006-جىلى قىركۇيەكتىڭ ءۇشىنشى سەنبىسىنە اۋىستىرىلدى.

مەرەكەنىڭ باستى ماقساتى ەركىن باعدارلامالىق جاساقتاۋدى ناسيحاتتاۋ جانە پايدالانۋشىلارعا ونى پايدالانۋدىڭ پايداسى تۋرالى ءبىلىم بەرۋ.

«سمايليكتىڭ» تۋعان كۇنى

1982-جىلى 19- قىركۇيەكتە كارنەگي- مەللون ۋنيۆەرسيتەتىنىڭ پروفەسسورى سكوتت فالمان (Scott E. Fahlman) كومپيۋتەردە تەرىلەتىن ماتىندە «كۇلىمسىرەپ تۇرعان بەت-الپەتتى» كورسەتۋ ءۇش قوس نۇكتە، دەفيس جانە جابىلاتىن جاقشادان تۇراتىن قاتار كەلگەن ءۇش سيمۆولدى پايدالانۋدى ۇسىندى.

العاش رەت سمايليكتى پايدالانعان حابارلاما 2002-جىلى پلەنكادا ساقتالعان حابارلاندىرۋلار تاقتاسىنىڭ مۇراعاتىنان تابىلدى. قازىر سمايليك ەلەكتروندىق قارىم-قاتىناستىڭ اينىماس بەلگىسى بولىپ قالدى.

سمايليكتەر اڭگىمەلەسۋشىنى دۇرىس تۇسىنۋگە، ونىڭ كوڭىل كۇيىن بايقاۋعا كومەكتەسەدى.

ەستە قالار وقيعالار

1957-جىلى تامعالى شاتقالىنداعى تاسقا قاشاپ سالىنعان پەتروگليفتەر اشىلدى. قاز ك س ر عىلىم اكادەمياسىنىڭ تاريح جانە ارحەولوگيا ينستيتۋتىنىڭ وڭتۇستىك قازاقستان ارحەولوگيا ەكسپەديتسياسىنىڭ جەتىسۋ وتريادى قازاقستاننىڭ تۇڭعىش كاسىبي ارحەولوگى اننا ماكسيموۆانىڭ باسشىلىعىمەن الماتى وبلىسىنىڭ جامبىل اۋدانىندا تامعالى شاتقالىنداعى تاسقا قاشاپ سالىنعان پەتروگليفتەر اشىلدى.

تامعالى پەتروگليفتەرى كەيىننەن يۋنەسكونىڭ بۇكىل الەمدىك مادەني مۇرالار تىزىمىنە ەنگىزىلدى.

1994 -جىلى قازاقستاندىق ينتەرنەتتىڭ تۋعان كۇنى. جوعارى دەڭگەيدەگى kz. كازينفورم تەلەكوم ۇلتتىق دومەنى ىسكە قوسىلدى.

1995 -جىلى پاكىستاندا ۋردۋ تىلىندە ابايدىڭ «تاڭدامالى ولەڭدەرى» كىتابىنىڭ اۋدارماسى جارىق كوردى.

2005 -جىلى جامبىل وبلىسى شۋ اۋدانى جاڭا جول اۋىلىندا قازاقتىڭ حالىق باتىرى، دۇنيەجۇزىلىك سوعىستىڭ داڭقتى جاۋىنگەرى، قازاقتىڭ كورنەكتى جازۋشىسى باۋىرجان مومىش ۇلىنا ارنالعان ەسكەرتكىش ورناتىلدى. باۋىرجان مومىش ۇلى (1910-1982) - كەڭەس وداعىنىڭ باتىرى، ەكىنشى دۇنيەجۇزىلىك سوعىستىڭ داڭقتى جاۋىنگەرى، قازاقتىڭ كورنەكتى جازۋشىسى. جامبىل وبلىسىنىڭ جۋالى اۋدانىنداعى كولباستاۋ مەكەنىندە دۇنيەگە كەلگەن.

«وفيتسەردىڭ كۇندەلىگى»، «ءبىر ءتۇننىڭ تاريحى»، «ءبىزدىڭ سەميا»، «موسكۆا ءۇشىن ايقاس» «جاۋىنگەردىڭ تۇلعاسى»، «مايدان»، «مايدانداعى كەزدەسۋلەر»، «گەنەرال پانفيلوۆ»، «تولەگەن توقتاروۆ»، «كۋبا اسەرلەرى»، «ەل باسىنا كۇن تۋسا»، «ۇشقان ۇيا»، «ادام قايراتى» پوۆەستەرى مەن اڭگىمەلەرىنىڭ اۆتورى.

قىزىل تۋ، ەڭبەك قىزىل تۋ، حالىقتار دوستىعى، 1- دارەجەلى وتان سوعىسى، 2 رەت قىزىل جۇلدىز، «قۇرمەت بەلگىسى» سىندى وردەن- مەدالدارمەن ماراپاتتالسا، حالقىنىڭ قاھارمان ۇلىنا قازاقستان تاۋەلسىزدىككە قول جەتكىزگەننەن كەيىن «كەڭەس وداعىنىڭ باتىرى» اتاعى بەرىلگەن.

2006 -جىلى قازاقستاندا تۇڭعىش رەت جۋرناليستيكا ەنتسيكلوپەدياسى شىعارىلدى. ونى شىعارعان قازاقستان جۋرناليستيكا اكادەمياسىنىڭ پرەزيدەنتى ساعىمباي قوزىبايەۆ.

2011 -جىلى ق ر پرەزيدەنتى نۇرسۇلتان نازاربايەۆ پەن فرانسيا پرەزيدەنتى نيكوليا ساركوزيدىڭ ەليسەي سارايىندا وتكەن كەزدەسۋلەرىنىڭ قورىتىندىلارى بويىنشا بىرلەسكەن دەكلاراتسيا قابىلداندى.

دەكلاراتسيادا ب ۇ ۇ- نىڭ ورتالىق ءرولىن ساقتاي وتىرىپ جاھاندىق باسقارۋدى جاقسارتۋ، اۋعانستاندى قالپىنا كەلتىرۋ، ليۆيا حالقىن قولداۋ ءۇشىن حالىقارالىق قاۋىمداستىقتى كەڭىنەن جۇمىلدىرۋ، ت. ب. وزەكتى ماسەلەلەر قاراستىرىلعان.

2011 -جىلى قازاقستان رەسپۋبليكاسىنىڭ Caspionet ۇلتتىق سپۋتنيكتىك ارناسى Galaxy 19 سپۋتنيگىنىڭ DTH پلاتفورماسى ارقىلى سولتۇستىك امەريكا اۋماعىنا اشىق تۇردە حابار تاراتۋدى باستادى.

Caspionet كانالىنىڭ باعدارلامالارى 28 ەلدىڭ كورەرمەندەرىنە قول جەتىمدى بولدى: ا ق ش، كانادا، مەكسيكا، كۋبا، دومينيكان رەسپۋبليكاسى، انتيگۋا جانە باربۋدا، باگام، باربادوس، بەليز، گايتي، گۆاتەمالا، گوندۋراس، دومينيكا، كوستا-ريكا، نيكاراگۋا، سالۆادور، سەنت-ليۋسيا، سەنت- ۆينسەنت جانە گرەنادين، سەنت-كيتس جانە نيەۆيس، يامايكا.

2012 -جىلى قازاقستان العاش رەت فرانسيانىڭ كانن قالاسىندا جىل سايىن وتەتىن Cannes Corporate Media TV Awards حالىقارالىق دەرەكتى فيلمدەر فەستيۆالىنە قاتىستى. فەستيۆال بايقاۋىنا 2011-جىلى جارىققا شىققان «كيەلى مەكەن» دەرەكتى فيلمىن (ورىسشا نۇسقاسىندا «دوستويانيە رەسپۋبليكي») جاساۋشىلار شاقىرىلدى.

2014 -جىلى لوندوندا روبەرت ۋايتتىڭ «جوعالعان حاندار مەن بوس دالالار. قازاقستان تاريحى ەجەلگى داۋىردەن قازىرگى ۋاقىتقا دەيىن» اتتى كىتابى جارىق كوردى. كىتاپتىڭ اۆتورى الماتى قالاسىنداعى بانك سەكتورىندا ءۇش جىلدان استام ۋاقىت جۇمىس ىستەپ، وسى ۋاقىت ىشىندە ول قازاقستاننىڭ تاريحى مەن مادەنيەتىن زەرتتەۋگە كوپ كوڭىل بولگەن. لوندونعا ورالعاننان كەيىن ر. ۋايت بريتاندىق اۋديتوريانى ورتا ازياداعى ەڭ ماڭىزدى ەلدىڭ اسەرلى تاريحىمەن تانىستىرۋدى ءجون دەپ تاپقان.

2014 -جىلى الماتى وبلىسىنداعى جەتى ساق-سكيف قورعانى ەسكەرتكىش مارتەبەسىنە يە بولدى. شارانىڭ باستى ماقساتى - ەجەلگى قورعانداردى تاريحي- مادەني جانە ساۋلەت ەسكەرتكىشتەرى رەتىندە زاڭداستىرۋ جانە قوعامنىڭ نازارىن ولاردى ساقتاۋ ماسەلەسىنە اۋدارۋ.

2014 -جىلى پاۆلوداردا بەلگىلى قازاق جازۋشىسى، پۋبليتسيست، اقىن، الاشوردا كوشباسشىلارىنىڭ ءبىرى، 1931-جىلى قۋعىن-سۇرگىنگە ۇشىراپ، اتىلعان جۇسىپبەك ايماۋىتوۆقا ەسكەرتكىش اشىلدى.

2017 -جىلى قازاقستان ب ۇ ۇ- نىڭ جىنىستىق زورلىق-زومبىلىقتى جويۋ جونىندەگى مىندەتتەمەسى تۋرالى قۇجاتىنا قوسىلدى. بۇل قۇجات زورلىق قۇرباندارىنا كومەك كورسەتۋدى، ب ۇ ۇ ميسسيالارىنا جىبەرىلەتىن قىزمەتكەرلەردى ىرىكتەۋ مەن وقىتۋدىڭ جوعارى ستاندارتتارىن قامتاماسىز ەتۋدى، جىنىستىق ەكسپلۋاتاتسيا جانە زورلىق-زومبىلىق ارەكەتتەرىن جاسايتىن ادامدارعا قارسى شارالار قابىلداۋدى قامتيدى.

2018 -جىلى استاناداعى پاراليمپيادالىق جاتتىعۋ ورتالىعىندا اربامەن قوزعالاتىن ادامدارعا ارنالعان «ءوز-وزىنە قىزمەت كورسەتۋ ينۆاسەرۆيسى» بىرەگەي بۇرىشى ورناتىلدى. ول مۇگەدەكتەرگە اربالارىنىڭ دوڭگەلەكتەرىن ءوز بەتىنشە تازالاۋعا مۇمكىندىك بەرەدى. قۇرىلعىنىڭ اۆتورى - اربامەن بيلەۋدەن ق ر قۇراماسىنىڭ مۇشەسى ارداق وتوربايەۆ. «ءوز-وزىنە قىزمەت كورسەتۋ ينۆاسەرۆيسىندە» قولدانىلاتىن جابدىقتىڭ الەمدە بالاماسى جوق. بۇل مۇگەدەكتەر ارباسىندا قوزعالاتىن ادامداردىڭ ومىرلىك بەلسەندىلىگىن تالداۋ جانە قاجەتتىلىكتەر نەگىزىندە ويلاپ تابىلعان العاشقى وتاندىق جابدىق.

2019 -جىلى سەمەي قالاسىنداعى دەنە شىنىقتىرۋ-ساۋىقتىرۋ كەشەنىنە وليمپيادا چەمپيونى جاقسىلىق ۇشكەمپىروۆتىڭ ەسىمى بەرىلدى. سالتاناتتى شاراعا وبلىس اكىمى دانيال احمەتوۆ قاتىستى.

«سپورت كەشەنىنە جاقسىلىق ۇشكەمپىروۆتىڭ ەسىمىنىڭ بەرىلۋى مەنى قۋانتادى. ول سپورتتا اتى اڭىزعا اينالعان تۇلعا عانا ەمەس، ەڭبەكتىڭ شىڭىنا شىققان قايراتكەر. ءاربىر قازاقستاندىق وسىنداي بولۋى كەرەك. كەلەسى جىلدان باستاپ وليمپيادا چەمپيونى جاقسىلىق ۇشكەمپىروۆتىڭ جۇلدەسىنە ارنالعان جارىس وتكىزۋدى جوسپارلاپ وتىرمىز. ول تۋرنير جىل سايىن بالالار مەن جاستار اراسىندا وتكىزىلەدى»، - دەدى دانيال احمەتوۆ.

2019 -جىلى ت م د اۋماعىندا العاش رەت ەلوردادا PATA Travel Mart 2019 ازيا-تىنىق مۇحيتى ەلدەرىنىڭ حالىقارالىق تۋريستىك كورمەسى اشىلدى. كورمەگە 250 دەن استام تۋريستىك كومپانياسى قاتىستى. كورمەنىڭ رەسمي اشىلۋ راسىمىندە ازيا مەن تىنىق مۇحيتى ايماعىنىڭ مۇمكىندىكتەرى مەن جاڭا ۇسىنىستارى كورسەتىلدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات