وزبەكستان، قىتاي، موڭعولياداعى قانداستار ۇ ب ت- نى 19- شىلدەدە تاپسىرادى
«تۇلەكتەر مەن اتا-انالارىنىڭ ءوتىنىشىن ەسكەرە وتىرا، سونىمەن قاتار، ونلاين فورماتتاعى تەستىلەۋدى وتكىزۋگە تەحنيكالىق تۇرعىدان تەستىلەنۋشىلەردىڭ دايىندىعى قاجەت بولعاندىقتان تەستىلەۋ شىلدەنىڭ 17 نەن 19 نا اۋىستىرىلدى»، دەلىنگەن ورتالىقتىڭ Facebook-تەگى پاراقشاسىندا.
قانداستارعا ارنالعان ۇلتتىق ءبىرىڭعاي تەستىلەۋ 19- شىلدە كۇنى تاڭعى ساعات 10.00 دە (نۇر- سۇلتان قالاسىنىڭ ۋاقىتىمەن) ونلاين فورماتتا وتكىزىلەدى. ياعني ءار تەستىلەنۋشى ۇيىندە وتىرىپ، ۇ ب ت تاپسىرادى. «ول ءۇشىن ءار تەستىلەنۋشىگە عالامتورعا قوسىلعان كومپيۋتەر (1024 Mبيت/سەك-جىلدامدىعىن speedtest.net سايتىندا تەكسەرۋگە بولادى)، «Google Chrome « براۋزەرى، ۆەب-كامەرا جانە ونلاين فورماتتا Youtube كانالىنا تەستىلەۋدى ءتۇسىرۋ مۇمكىندىگى بار سمارتفون قاجەت بولادى.
قوسىمشا اقپاراتتى 18 - شىلدە كۇنى وتىنىشتەردى تىركەگەن جوعارى وقۋ ورىندارى بەرەدى (تەستىلەۋگە كىرۋگە ارنالعان سىلتەمە مەن لوگين/قۇپياسوز)»، دەلىنگەن حابارلامادا.