قازاقستاندا 19 مىڭ شەتەلدىك ەڭبەك ەتىپ جاتىر
مينيسترلىكتىڭ مالىمەتىنشە، 2020-جىلعى 1- اقپانداعى جاعداي بويىنشا قازاقستان اۋماعىندا جەرگىلىكتى اتقارۋشى ورگانداردان رۇقسات العان 19137 شەتەلدىك ازامات ەڭبەك قىزمەتىن جۇزەگە اسىرادى.
«ولاردىڭ ىشىندە ءبىرىنشى سانات بويىنشا (باسشىلار جانە ولاردىڭ ورىنباسارلارى) 753 ادام (%4)، ەكىنشى سانات بويىنشا (قۇرىلىمدىق بولىمشەلەردىڭ باسشىلارى) - 4364 (%23)، ءۇشىنشى سانات بويىنشا (ماماندار) - 9613 (%50)، ءتورتىنشى سانات بويىنشا (بىلىكتى جۇمىسشىلار) - 1749 (%9)، ماۋسىمدىق جۇمىستاردا - 926 (%5)، كورپوراتيۆتىك اۋىستىرۋ شەڭبەرىندە 1732 ادام (%9) تارتىلدى»، دەلىنگەن حابارلامادا.
شەتەلدىكتەردى تارتقان جۇمىس بەرۋشىنىڭ سانى – 2021، ولاردا 479342 قازاقستاندىق جۇمىس ىستەيدى، بۇل قىزمەتكەرلەردىڭ جالپى سانىنىڭ %96.
«شەتەلدىكتەردىڭ باسىم بولىگى قۇرىلىس سالاسىندا - 8582 ادام (%45) جۇمىس ىستەيدى. تاۋ-كەن ونەركاسىبىندە 2228 ادام (%12)، وڭدەۋ ونەركاسىبىندە - 1586 (%8)، كاسىبي، عىلىمي جانە تەحنيكالىق قىزمەتتە 1397 شەتەلدىك (%7) جۇمىس ىستەيدى»، دەلىنگەن حابارلامادا.
ەڭبەكشى ميگرانتتاردىڭ نەگىزگى شىعۋ ەلدەرى: قىتاي - 5266 ادام (%28)، تۇركيا - 1935 (%10)، ءۇندىستان - 1896 (%10)، ۇلى بريتانيا - 1434 (%8)، وزبەكستان - 965 (%5).
ەسكە سالا كەتسەك، ىشكى ەڭبەك نارىعىن قورعاۋ ماقساتىندا ق ر ۇكىمەتى جىل سايىن رەسپۋبليكاعا شەتەلدىك مامانداردى تارتۋ كۆوتاسىن بەلگىلەيدى. 2020-جىلعا ارنالعان كۆوتا جۇمىس كۇشىنىڭ سانىنا قاتىستى %0,32 نەمەسە 29,3 مىڭ بىرلىك مولشەرىندە بەكىتىلدى.
ايتا كەتەرلىگى، ەلىمىزدە شەتەلدىك جۇمىسكەرلەردى تارتۋعا ارنالعان كۆوتا 40 پايىزعا قىسقارتىلعان.