قازاقستاندا 19 مىڭ شەتەلدىك جۇمىسشى ەڭبەك ەتەدى
بۇل تۋرالى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
ولاردىڭ ىشىندە ءبىرىنشى ساناتتا (مەنەدجەرلەر مەن ولاردىڭ ورىنباسارلارى) 770 ادام (%4)، ەكىنشى (ءبولىم مەڭگەرۋشىلەرى) - 445 (23)، ءۇشىنشى (ماماندار) - 9632 (50) جانە ءتورتىنشى (بىلىكتى) جۇمىسشىلار) - 1818 (9)، ماۋسىمدىق جۇمىستارعا 767 (4)، كورپوراتيۆتى اۋىستىرۋعا 1744 ادام (9 پايىز) تارتىلدى.
شەتەلدىك جۇمىس كۇشىن تارتقان جۇمىس بەرۋشىلەر سانى 2040 ادامدى قۇرايدى، ولاردا 508755 قازاقستاندىق ازامات جۇمىس ىستەيدى، بۇل جالپى جۇمىسشىلار سانىنىڭ % 96,3- ىن قۇرايدى.
شەتەلدىكتەردىڭ باسىم بولىگى قۇرىلىس سالاسىندا جۇمىس ىستەيدى - 8623 ادام (%45). تاۋ- كەن ونەركاسىبىندە 2213 (12)، اۋىل، ورمان جانە بالىق شارۋاشىلىعى سالاسىندا - 55 (%0,3)، كاسىپتىك، عىلىمي جانە تەحنيكالىق قىزمەتتە 1557 (8)، وڭدەۋ ونەركاسىبىندە - 1397 (7) شەتەلدىك جۇمىس ىستەيدى.
ەڭبەكشى ميگرانتتارىنىڭ نەگىزگى شىعۋ ەلدەرى: قىتاي - 4524 ادام (24)، وزبەكستان - 781 (4)، تۇركيا - 1964 (10)، ءۇندىستان - 1893 (10)، ۇلى بريتانيا - 1368 (7 پايىز) بولىپ تابىلادى.
ەستەرىڭىزگە سالا كەتەيىك، ىشكى ەڭبەك نارىعىن قورعاۋ ماقساتىندا ق ر ۇكىمەتى جىل سايىن رەسپۋبليكاعا شەتەلدىك مامانداردى تارتۋعا كۆوتا بەلگىلەيدى. 2019 -جىلعا ارنالعان كۆوتا جۇمىس كۇشىنىڭ سانىنا قاتىستى 0,54 پايىز نەمەسە 48,7 مىڭ بىرلىك مولشەرىندە بەكىتىلدى. 2020 -جىلعا - 29,3 مىڭ بىرلىك نەمەسە 0,32 پايىز.