قازاقستاندىق عالىمدار 19 مىڭ عىلىمي ماقالا جاريالاعان - دەپۋتات
بۇل تۋرالى ەلوردادا وتكەن ІІ Science Forum: Reseafch Impact اتتى عىلىمي فورۋمدا ق ر پارلامەنتى سەناتىنىڭ دەپۋتاتى باقىتجان جۇماعۇلوۆ ايتتى، دەپ حابارلايدى قازاقپارات ءتىلشىسى.
«2011 -جىلى ەلىمىزدە 411 عىلىمي ماقالا جاريالانعانىن انىق بىلەمىن. ول كەزدە حالىقارالىق باسىلىمدار قولجەتىمسىز ەدى. سول كەزدە ق ر ءبىلىم جانە عىلىم ءمينيسترى Elsevier اقپاراتتىق- ساراپتامالىق پورتالىنا ۇلتتىق رەتسەنزياعا قول قويدى. سودان باستاپ ستۋدەنتتەر مەن عالىمدارعا حالىقارالىق اقپاراتتىق اگەنتتىگىنە جول اشىلدى»، - دەيدى ق ر پارلامەنت سەناتىنىڭ دەپۋتاتى باقىتجان جۇماعۇلوۆ.
ونىڭ ايتۋىنشا، Elsevier بازاسىنىڭ ىشىنە 20 مىڭنان استام عىلىمي جۋرنال، 50 ميلليون عىلىمي ماقالا مەن رەفەرات كىرەتىنىن ايتتى.
«ق ر تۇڭعىش پرەزيدەنتىنىڭ تاپسىرماسىمەن جاس عالىمدارعا 3 ميلليارد تەڭگە بولىنگەن. عىلىمي ماقالالاردىڭ جاريالانۋىنا بارىنشا قولداۋ كورسەتىلۋدە. بۇگىنگى تاڭدا ەلىمىزدەگى عالىمدار 19 مىڭ عىلىمي ماقالا جاريالانعان. Elsevier 2013- جىلى جۇمىسىن 2-3 جىلعا توقتاتىپ، 2017 -جىلى جۇمىسىن قايتا جالعاستىرعان بولاتىن. بۇل ءۇزىلىس بولماعان كەزدە عىلىمي ماقالالار تىپتەن كوپ بولار ەدى. قازاقستاندا ءار ستۋدەنت، ءار ماگيسترانت، ءار Ph.D دوكتورى، پروفەسسور، دوتسەنت عىلىمي ماقالاسىن جاريالاي الۋى ءۇشىن بارلىق جاعداي جاسالعان. مەملەكەت بۇل ءۇشىن ارنايى قاراجات ءبولىپ وتىر»، - دەيدى سەناتور.
ەسكە سالا كەتسەك، بۇعان دەيىن ەلوردادا ءتۇرلى سالاداعى عالىمدار ماراپاتتالعانى تۋرالى جازعان بولاتىنبىز.
اۆتور زارينا قاھارمان