+7 (701) 759 90 19
-3 °С : نۇر-سۇلتان
-1 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

قازاقپارات كۇنتىزبەسى: 19- قاراشا

19 قاراشا 07:53
:ءبولىسۋ
قازاقپارات كۇنتىزبەسى: 19- قاراشا

نۇر-سۇلتان. قازاقپارات - قازاقپارات وقىرماندارىنا 2019-جىلعى 19- قاراشاعا ارنالعان كۇنتىزبەسىن ۇسىنادى.

اتاۋلى كۇندەر

حالىقارالىق ەرلەر كۇنى

العاش رەت ەرلەر كۇنىن 1999-جىلى ترينيداد پەن توباگو رەسپۋبليكاسىنىڭ تۇرعىندارى اتاپ ءوتتى. سودان باستاپ يۋنەسكودان قولداۋ تاۋىپ، بۇل كۇندى اتاپ وتۋگە وزگە ەلدەر دە قوسىلا باستادى.

كاسىپكەر ايەلدەر كۇنى

2014-جىلدان باستاپ جىل سايىن مەرەكەلەنۋدە. امەريكالىق جازۋشى، ءۇي جانۋارلارىنا قاتىستى ءبىرقاتار كومپانيانىڭ يەگەرى ۆەندي دايموند نەگىزىن قالاعان. گوندۋراسقا بارعان ساپارىندا ول Adelante ۇيىمىندا ەرىكتى بولدى. جالاقىسى تومەن ايەلدەرگە شاعىن كرەديت ۇسىندى. ا ق ش- قا ورالعاننان كەيىن ول كاسىپكەر ايەلدەر كۇنىن مەرەكەلەۋ يدەياسىن ۇسىندى. بۇل حالىقارالىق مەرەكە العاش رەت نيۋ-يوركتە ب ۇ ۇ باستاماسىمەن ءوتتى. قوسىمشا شارالار الەمنىڭ 144 ەلىندە ۇيىمداستىرىلدى.

ەستە قالار وقيعالار

2006-جىلى 19-21- قاراشادا كۋۆەيتتە جوعارى ءبىلىم ماسەلەلەرىنە ارنالعان يسلام كونفەرەنتسياسى ۇيىمى (ي ك ۇ) جانىنداعى ءبىلىم، عىلىم جانە مادەنيەت جونىندەگى يسلام ۇيىمىنىڭ (يسەسكو) Ⅲ سەسسياسى ءوتتى. وعان 56 مۇسىلمان مەملەكەتىنىڭ وكىلدەرى قاتىستى. جينالىس ماقساتى - ولاردى الەمدەگى نەعۇرلىم اتاقتى ج و و تىزىمىنە ەنگىزۋ ماقساتىمەن ي ك ۇ- عا مۇشە ەلدەردىڭ ۇزدىك 20 ۋنيۆەرسيتەتىن انىقتاۋ. ۇزدىك وقۋ ورىندارى قاتارىنا ءال-فارابي اتىنداعى قازاق ۇلتتىق ۋنيۆەرسيتەتى دە ەندى.

2010-جىلى نەمات كەلىمبەتوۆتىڭ نەمىس تىلىنە اۋدارىلعان «ءۇمىت ۇزگىم كەلمەيدى» اتتى رومانى ەۋروپانىڭ فرانتس كافكا قوعامىنىڭ ماراپاتىنا يە بولدى. تۋىندى قىتاي جانە تۇرىك تىلدەرىنە دە اۋدارىلدى.

2010-جىلى ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى قازاقستانداعى جوعارى وقۋ ورىندارىنىڭ اراسىندا ءبىرىنشى بولىپ ۋنيۆەرسيتەت ينفراقۇرىلىمى دەرەكتەرىن (data center) وڭدەيتىن جانە ساقتايتىن ورتالىقتى ىسكە قوستى.

2012-جىلى قازاقستان تاريحىندا تۇڭعىش رەت قازاقستان رەسپۋبليكاسى ءبىلىم جانە عىلىم مينيسترلىگى جانىنداعى ۇلتتىق ستۋدەنتتىك كەڭەس قۇرىلدى.

2012-جىلى مەملەكەت باسشىسىنىڭ جارلىعىمەن قۇرىلعان قازاقستاننىڭ ورتالىق كوممۋنيكاتسيالار قىزمەتىنىڭ (و ك ق) ءبىرىنشى بريفينگى ءوتتى.

2014-جىلى مادريدتە گۋلاگ جۇيەسىنىڭ لاگەرىندە جازاسىن وتەگەن يسپاندىقتار تۋرالى «Olvidados de Karaganda» دەرەكتى فيلمى كورسەتىلدى.

2015-جىلى ەلوردانىڭ «استانا» حالىقارالىق اۋەجايىندا تۇڭعىش بيزنەس-اۆياتسيا تەرمينالىنىڭ اشىلۋ ءراسىمى ءوتتى. ءۇش مىڭ شارشى مەترگە جۋىق الاڭدا ورنالاسقان جاڭا تەرمينال ساعاتىنا 200 جولاۋشىنى وتكىزە الادى. تەرمينال عيماراتىندا كونفەرەنتس-زال، كەلىسسوزدەر وتكىزۋگە ارنالعان بولمەلەر، سونداي-اق، 30 ورىندىق كولىك تۇراعى بار. بيزنەس- اۆياتسيا تەرمينالىندا چارتەرلىك رەيستەرگە قىزمەت كورسەتىلەدى.

2018-جىلى قازاقستان العاش رەت وديۆەلاشە (پورتۋگاليا) قالاسىندا وتكەن پارادزيۋدو بويىنشا الەم چەمپيوناتىندا التىن مەدال الدى. التىننان القا تاققان ولجاس ورازالى ۇلى. چەمپيوناتقا الەمنىڭ 42 ەلىنەن 267 دزيۋدوشى قاتىستى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات