قازگيدرومەت: قاراشانىڭ 19 ى كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، بۇگىن ەلىمىزدىڭ كەي جەرلەرىندە جاۋىن-شاشىن بولادى، رەسپۋبليكانىڭ ورتالىق بولىگىندە جانە شىعىسىندا كۇندىز كەي جەرلەردە مول كولەمدە قار جاۋادى. كەي جەرلەردە جەل كۇشەيىپ، تۇمان ءتۇسىپ، جاياۋ بۇرقاسىن، سولتۇستىك پەن شىعىستا كوكتايعاق كۇتىلەدى.
الماتى، تۇركىستان وبلىستارىنىڭ ءبىرقاتار اۋماقتارىندا كۇندىز 15-20 م/س جىلدامدىقپەن جەل سوعادى.
قىزىلوردا، اتىراۋ، ماڭعىستاۋ، جامبىل وبلىستارىنىڭ كەي جەرلەرىندە - تۇمان ءتۇسىپ، قىزىلوردا، اتىراۋ وبلىستارىنىڭ ءبىرقاتار اۋماقتارىندا كوكتايعاق بولادى. جامبىل وبلىسىنىڭ كەي جەرلەرىندە جەل 15-20 م/س جىلدامدىقپەن سوعادى.
اقمولا، سولتۇستىك قازاقستان وبلىستارىنىڭ كەي جەرلەرىندە تۇمان ءتۇسىپ، بۇرقاسىن بولۋى ىقتيمال، جەل 15-20 م/س كۇشەيەدى.
باتىس قازاقستان، اقتوبە وبلىستارىنىڭ كەي جەرلەرىندە تۇمان، كوكتايعاق كۇتىلەدى، كۇندىز جەل 15-20 م/س كۇشەيەدى. اقتوبە وبلىسىنىڭ كەي جەرلەرىندە جاياۋ بۇرقاسىن بولۋى ىقتيمال.
قوستاناي، شىعىس قازاقستان وبلىستارىنىڭ كەي جەرلەرىندە بۇرقاسىن بولىپ، جەلدىڭ جىلدامدىعى سەكۋندىنا 15-20 مەترگە، ەكپىنى 23 مەترگە جەتەدى. قوستاناي وبلىسىنىڭ كەي اۋماقتارىندا تۇمان، شىعىس قازاقستان وبلىسىنىڭ ءبىرقاتار بولىگىندە كوكتايعاق كۇتىلەدى.
پاۆلودار، قاراعاندى وبلىستارىنىڭ كەي جەرلەرىندە تۇمان، بۇرقاسىن، كوكتايعاق، جاياۋ بۇرقاسىن بولادى دەگەن بولجام بار، جەل 15-20 م/س كۇشەيەدى.