بۇگىن ەلوردادا «نۇر وتان» پارتياسىنىڭ كەزەكتەن تىس 19-سەزى وتەدى

نۇر- ۇلتان. قازاقپارات - بۇگىن ەلوردادا ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ توراعالىعىمەن «Nur Otan» پارتياسىنىڭ كەزەكتەن تىس ⅩⅨ سەزى وتەدى، دەپ حابارلايدى قازاقپارات ءتىلشىسى.

سەزد بارىسىندا 2019-جىلدىڭ 9- ماۋسىمىنا تاعايىندالعان كەزەكتەن تىس پرەزيدەنتتىك سايلاۋعا پارتيا اتىنان تۇسەتىن كانديداتتىڭ ەسىمى جاريا ەتىلەتىن بولادى. قازىرگى ۋاقىتتا پارتيا سەزىنە وڭىرلەردەن كەلەتىن دەلەگاتتاردىڭ سانى بەلگىلى بولدى. ماسەلەن، الماتى وبلىسىنان 45،  قىزىلوردا وبلىسىنان 30 دەلەگات كەلمەك. جالپى، سەزد جۇمىسىنا 1500 ادامنىڭ قاتىساتىندىعى جوسپارلانعان.

ايتا كەتەرلىگى، بۇگىن «Nur Otan» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ پارتيا ساياسي كەڭەسىنىڭ وتىرىسىن وتكىزدى. وعان ساياسي كەڭەس مۇشەلەرى، سونىڭ ىشىندە قازاقستان رەسپۋبليكاسى پارلامەنتىنىڭ دەپۋتاتتارى، اتقارۋشى مەملەكەتتىك ورگانداردىڭ جانە ۇكىمەتتىك ەمەس ۇيىمداردىڭ باسشىلارى، كاسىپكەرلەر، دارىگەرلەر، ءبىلىم، مادەنيەت، سپورت سالاسىنىڭ وكىلدەرى، قازاقستان حالقى اسسامبلەياسىنىڭ مۇشەلەرى جانە تاعى باسقالار قاتىستى. سونداي-اق وتىرىسقا پارتيانىڭ كەزەكتەن تىس XIX سەزىنىڭ دەلەگاتتارى دا شاقىرىلدى. ءىس-شارا بارىسىندا اتالعان سەزدىڭ قاراۋىنا شىعارىلاتىن قازاقستان رەسپۋبليكاسىنىڭ پرەزيدەنتتىگىنە «Nur Otan» پارتياسىنان كانديدات ۇسىنۋ تۋرالى ماسەلە تالقىلانىپ، سەزدىڭ جۇمىس ورگاندارىنىڭ قۇرامى پىسىقتالدى.

ەستەرىڭىزدە بولسا، 9- ساۋىردە رەسپۋبليكالىق تەلەارنالاردان قازاقستان حالقىنا ۇندەۋ جاريالاعان مەملەكەت باسشىسى قاسىم-جومارت توقايەۆ ەلىمىزدىڭ كونستيتۋتسياسىنا سايكەس ق ر پرەزيدەنتىنىڭ كەزەكتەن تىس سايلاۋىن 2019-جىلدىڭ 9- ماۋسىمدا وتكىزۋ تۋرالى شەشىم قابىلداعانىن جاريا ەتكەن بولاتىن.